Taganrog

Taganrog
Таганрог
Lidnanznam;	Flag;
Valdkund	Venäma
Eläjiden lugu (2025)	240,055 ristitud
Pind	95 km²
Pämez'	Inna Titarenko; (sügüz'ku 2014—)
Telefonkod	+7−8634-xxx-xxx
Avtokod	61, 161
Aigvö	UTC+3 (MSK+0)

Taganrog (ven.: Таганро́г) om Venäman lidn, lidnümbrik da meriport Rostovan agjan suvipäivlaskmas, sen kahtenz' surtte lidn, om «sodahoštusen lidn»-arvonke (vspäi 2011).

Istorii

Grekalaižiden žilo, Kremnoi (amuižgrek.: Κρημνοὶ) ezimeletaden, oli olmas Taganrogan territorijal 6. voz'sadal EME.

Läz 13. voz'sadal italijalaižed sauvoiba Porto-Pizano-lidnad da portad täs.

Petr I pani nügüdläižen eländpunktan alust vl 1698 kuti Troickan lidnuz Taganii Rog-nemel. Vozil 1712−1769 se oli muretud da tactud sodoiden Turkanmanke tagut, sid' saudud möst. Žilo lidnusenke saiba lidnan statusad vl 1775. Kätihe portaks vaiše torguindan täht Sevastopolin alusenpanendan jäl'ghe vl 1783.

Nügüd'aigaižen Taganrogan ižandusen päsarakod oma raudan metallurgii, mašinansauvomine, laivankohenduz, meblin pästand, villän da kivihilen eksport.

Geografijan andmused

Lidn sijadase Azovmeren Taganrogan lahten pohjoižpäivnouzmal randal, Miusan pol'saren kaidas sijas, 50 metrhasai ü.m.t. korktusil. Miusan liman reskvedenke om lodeheze lidnaspäi. Taganrog om ümbärtud Neklinovkan rajonan territorijal.

Matkad Rostovhasai Donal om seičemekümne kilometrad päivnouzmha, Ukrainan röunhasai — 50 km päivlaskmha da lodeheze. Lähembaine lidn om Azov 40 km suvipäivlaskmha orhal meren kal't.

Il'man vozne keskmäine lämuz om +10,4 C°. Paneb sadegid 450 mm vodes. Kuivahk klimat pehmdub meritulleil.

Tobmuz

Taganrog om lidnümbrikon üks'jäižeks eländpunktaks. Se jagase videks territorialižeks ohjanduseks: Keskuzline, Mererandaline, Tegimišton, Päivlaskmaine da Pohjoine.

Taganrogan käskusenandai tobmuz om Lidnan Dum. Sen ühtnijoiden järgenduseližed valičendad oliba vn 2014 14. päiväl sügüz'kud (6. kucund). Duman ezimez' om lidnan pämez'. Andrei Lisickii om valitud lidnan administracijan pämeheks i radab vn 2016 redukuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 257 681 ristitud, vn 2021 — 245 120 ristitud. Kaik 250 287 eläjad oli lidnas vl 2017. Kaikiš suremb lidnan ristitišt oli 295 tuhad eläjid vl 1987.

Rahvahad (enamba 1 %, vn 2002 rahvahanlugemižen mödhe^[1]): venälaižed — 91,1 %, ukrainalaižed — 3,8 %, armenijalaižed — 1,1 %, toižed rahvahad — 3,0 %, rahvahuden ozutandata — 1,0 %.

Transport

Avtobusad, trolleibusad da tramvaid oma kundaližeks transportaks lidnan südäimes.

Sodavägiden da civiline Taganrog-Suvine lendimport (TGK / ТАГ) sijadase kudes kilometras päivlaskmha lidnan keskuzpalaspäi, mererandal.

Tetabad sündnuded

Anton Čehov (1860−1904) — oli venälaine mez', Venäman imperijan kirjutai.

Homaičendad

↑ Rostovan agjan ristitišton rahvahiden mülünd vn 2002 Venäman rahvahanlugemižen mödhe. Statistikan kogoduz (rostov.gks.ru). — Rostov Donal, Rostovstat, 2005. — 186 lp. — Lp. 67. (ven.)

Irdkosketused

Taganrog-lidnan tobmuden aluzkundoiden oficialine portal (tagancity.ru) (ven.) da sen anglijankel'ne versii (taganrogcity.com).

Taganrog Vikiaitas

	Rostovan agjan lidnad
	Aksai \| Azov \| Bataisk \| Cimlänsk \| Doneck \| Gukovo \| Kamensk Šahtil \| Konstantinovsk \| Millerovo \| Morozovsk \| Novočerkassk \| Novošahtinsk \| Proletarsk \| Rostov Donal \| Rusked Sulin \| Sal'sk \| Semikarakorsk \| Šahti \| Zernograd \| Zverevo \| Taganrog \| Vauged Kalitv \| Volgodonsk

[1] Rostovan agjan ristitišton rahvahiden mülünd vn 2002 Venäman rahvahanlugemižen mödhe. Statistikan kogoduz (rostov.gks.ru). — Rostov Donal, Rostovstat, 2005. — 186 lp. — Lp. 67. (ven.)

[1]