Morozovsk

Vikipedii
Mine navigeerimisribale Mine otsikasti
Morozovsk
Морозовск
 Lidnanznam
Coat of Arms of Morozovsk (Rostov oblast).png
 Flag
Flag of Morozovsk (Rostov oblast).png
Valdkund Venäma
Eläjiden lugu (2017) 25 467 ristitud
Pind 26 km²
Morozovsk Морозовск
Pämez' Andrei Silin
(uhoku 2 018—)
Telefonkod +7-86 384-xx-xxx
Avtokod 61, 161
Aigvö UTC+3 (MSK+0)


Morozovsk (ven.: Моро́зовск) om Venäman lidn, lidnankund da transporttesol'm Rostovan agjan pohjoižpäivnouzmas. Se om Morozovskan rajonan administrativine keskuz.

Istorii[redaktiruida | redaktiruida purde]

Ezmäižen eländpunktan aluz om pandud vodele 1900 kuti Morozovskai-raudtestancii da žilo senno «KamenskaiCaricin»-keskustal, om nimitadud lähižen futoran mödhe. Toine eländpunkt om pandud vl 1910 kuti Taubevskai-stanic (ven.: станица Таубевская), nimitihe kozakoiden vägiden Födor Taube-atamanan kanzannimen mödhe. Aigan mändes eländpunktad leviganziba, ühtištuihe niid da lähižid futorid. Vll 1917−1938 nimitihe eländpunktad Morozovskai-stanicaks, sid' kätihe stanicad Morozovskii-radnikžiloks. Morozovskii-žilo sai lidnan statusad nügüdläiženke nimtusenke vn 1941 29. päiväl semendkud. Toižen mail'man sodan aigan lidn oli okkupiruidud nacistoil (15.07.1942 — 5.01.1943). Raudte ühtenzoiti Cimlänskanke vl 1949.

Morozovsk šingotase sömtegimištol (pühävoin järed tegim, maidtegim), maižanduztehnikan pästandan edheotandan filialal i vedimdepol.

Geografijan andmused[redaktiruida | redaktiruida purde]

Lidn sijadase rajonan pohjoižpalas, Bistrai-jogen üläjoksmusen hural randal tobjimalaz (ven.: Быстрая, Donan oigedpol'ne bassein), 73 m ü.m.t. keskmäižel korktusel. Matkad Rostovhasai Donal om 200 km suvipäivnouzmha orhal, 252 km avtotel vai raudtel. Lähembaižed lidnad oma Surovikino (Volgogradan agj) 80 km päivnouzmha-pohjoižpäivnouzmha orhal, 90 km avtotedme vai raudtedme, Cimlänsk 81 km suvhe orhal, 89 km avtotedme vai raudtedme, i Vauged Kalitv 79 km päivlaskmha orhal, 92 km avtotedme vai raudtedme. Morozovskai-raudtestancii (ven.: Морозовская) radab lidnan päivnouzmas.

Morozovsk om lidnankundan üks'jäine eländpunkt.

Eläjad[redaktiruida | redaktiruida purde]

Vl 1939 žilon ristitišt oli 21 700 eläjad. Vn 2010 Venäman rahvahanlugemižen mödhe eläjiden lugu oli 27 642 ristitud, rajonan kaks' koumandest. Kaikiš suremb lidnan ristitišt oli 28..29 tuhad eläjid vll 1996−2009 (29 300 rist. vll 1996−1998).

Rahvahad (2010): venälaižed — 92,7%, ukrainalaižed — 2,0%, armenijalaižed — 1,6%, toižed rahvahad — 3,7%.

Professionaližen opendusen aluzkund om Morozovskan agrotegimištoline tehnikum.[1]

Homaičendad[redaktiruida | redaktiruida purde]

  1. Morozovskan agrotegimištol'žen tehnikuman sait (mapt.gauro-riacro.ru). (ven.)

Irdkosketused[redaktiruida | redaktiruida purde]



Rostovan agjan lidnad
Aksai | Azov | Bataisk | Cimlänsk | Doneck | Gukovo | Kamensk Šahtil | Konstantinovsk | Millerovo | Morozovsk | Novočerkassk | Novošahtinsk | Proletarsk | Rostov Donal | Rusked Sulin | Sal'sk | Semikarakorsk | Šahti | Zernograd | Zverevo | Taganrog | Vauged Kalitv | Volgodonsk