Kadun

Kadun
Kaduna
Valdkund	Nigerii
Eläjiden lugu (2006)	760,084 ristitud
Pind	3,080 km²
Telefonkod	+234-
Aigvö	UTC+1

Kadun (haus. i angl.: Kaduna «krokodiloiden sija» hausan kelespäi) om lidn Nigerijan keskuzpalan pohjoižes. Se om valdkundan kahesanz' lidn eläjiden lugun mödhe, raudte- i avtotesol'm, Kadun-štatan administrativine keskuz da pala.

Istorii

Eländpunktan aluz om pandud britanižil kolonistoil vl 1900. Se oli Pohjoižnigerii-protektoratan pälidnaks vll 1917−1967. Vll 2000−2002 islaman (ristitišton koume videndest) i hristanuskondan (eläjiden kaks' videndest) polenpidajad ridleba lujas, tuhad pölištuiba.

Kadun šingotase nenil sarakoil: tekstilin edheotandad (nahktegesed), mašinansauvomine (avtod, pörutüged), terasen i alüminijan tehmine, kivivoin ümbriradmižen tegim, plastmassan i zelliden pästand, televizoroiden ühthekeradamine, maižanduzprodukcijan i savesižiden astjoiden torguind.

Geografijan andmused

Lidn sijadase štatan keskuzpalan lodehes, Kadun-jogen randal (angl.: Kaduna River hausan kada-sanaspäi «krokodil», Nigeran hura ližajogi), 250 m ü.m.t. keskmäižel korktusel.

Matkad Abudž-pälidnhasai om 163 km suvhe orhal vai 195 km avtotedme.

Klimat om subekvatorialine, päivoikaz lujas päiči vihmsezonas, kudamb oleskeleb kezakus-sügüz'kus. Voden keskmäine lämuz om +25,8 C°, kun keskmäine lämuz vajehtase +23,4..+29,6 C° röunoiš. Ekstremumad oma +8,9 C° (viluku, uhoku) i +43,0 C° (sulaku). Il'man lämuz voib ületada +35 C° miččel taht kul päiči elokus i sügüz'kus, ei voi olda madalamb mi +15 C° semendkus-sügüz'kus. Paneb sadegid 1325 mm vodes, enamba heinkus-sügüz'kus (254..335 mm kus), kuiv sezon oleskeleb kül'mkus-keväz'kus (11 mm pordos), ani ei ole vihmoid kül'mkus-uhokus. Kun keskmäine relätivine nepsuz vajehtase 75..87 % röunoiš semendkus-redukus, 34..40 % vilukus-keväz'kus, 49 % tal'vkus, 59 % sulakus i kül'mkus.

Eläjad

Vl 2006 lidnan eläjiden lugu oli 760,084 ristitud, štatan läz kümnendest.

Kadunan valdkundaline universitet (angl.: Kaduna State University) radab vspäi 2004, sen ližaks om kuz' tošt üläopendusen aluzkundad.

Galerei

Federaline sekretariat Kadunas (heinku 2021)
Islaman pühäpert' lidnan suvikeskuses, vn 2022 nägu
Hyatt Regency Palace-adivpert' vl 2022
Rahvahankirjišt Kadunas (viluku 2023)
Lidnan muzei (sügüz'ku 2024)
Saudud 20. voz'sadan augotišes britanine kolonialine avtotesild Kadun-joges päliči, sügüz'ku 2024

Irdkosketused

Kadun-štatan tobmuden sait (kdsg.gov.ng). (angl.) (Hausa)

Kadun Vikiaitas