Karakol

Vikipedii-späi
Karakol
Каракол
 Lidnanznam
 Flag
Valdkund Kirgizstan
Eläjiden lugu (2017) 70,400 ristitud
Pind 48,05 km²
Karakol Каракол
Pämez' Adil Kanimetov
(reduku 2018—)
Telefonkod +996-(0)3922-xx-xxx
Aigvö UTC+6


Karakol (kirg.: Каракол, mugažo venän kelel) om lidn da lidnümbrik Kirgizstanan pohjoižpäivnouzmas. Se om valdkundan nellänz' lidn eläjiden lugun mödhe, Issik-Kulin agjan administrativine keskuz.

Istorii[vajehta | vajehtada tekst]

Eländpunktan aluz om pandud vn 1869 1. päiväl heinkud nügüdläiženke nimitusenke kuti soda- da administrativine keskuz Venäman imperijas. Lidnan toine nimi oli Prževal'sk (ven.: Пржевальск) vll 1889−1922 i 1939−1992. Vl 1887 lidn eli lujas manrehkaiduses läbi.

Karakol šingotase elektromašinansauvomižel, sömtegimištol (maid- i lihaproduktad, jomad), sauvondmaterialiden edheotandal, turizmal (mägisuks'baz, hulad purtked, solakaz järv, zoopark, Prževal'skijan muzei, al'pinizm).

Geografijan andmused[vajehta | vajehtada tekst]

Lidn sijadase agjan pohjoižes, 12 km päivnouzmha Issik-Kul'-järvespäi, 1690..1850 m korktusil, 1760 m ü.m.t. keskmäižel korktusel. Om ümbärtud korktoil mägil. Matkad Biškek-pälidnhasai om 380 km päivlaskmha.

Eläjad[vajehta | vajehtada tekst]

Vn 2009 Kirgizstanan rahvahanlugemižen mödhe lidnan eläjiden lugu oli 63 377 ristitud, lidnümbrikon — 66 294 ristitud. Kaikiš suremb lidnan ristitišt om nügüd'.

Rahvahad (lidn, 2009): kirgizlaižed — 69,3%, venänikad — 17,0%, uigurad — 3,9%, uzbekad — 3,4%, totarlaižed — 1,7%, dunganalaižed — 1,5%, kazahlaižed — 1,1%, kalmikalaižed — 0,9%, toižed rahvahad — 1,2%.

Issik-Kulin valdkundaline universitet Kasim Tinistanov nimed radab vspäi 1992, sen aluz om pandud vl 1940 kuti pedagogine institut.

Homaičendad[vajehta | vajehtada tekst]


Irdkosketused[vajehta | vajehtada tekst]