Kičmengan Lidnut

Vikipedii
Mine navigeerimisribale Mine otsikasti
Kičmengan Lidnut
Кичменгский Городок
Valdkund Venäma
Eläjiden lugu (2010) 6,421 ristitud
Kičmengan Lidnut Кичменгский Городок
Pämez' Irina Nekipelova
(reduku 2017—)
Telefonkod +7-81 740-xx-xxx
Avtokod 35
Aigvö UTC+3 (MSK+0)


Kičmengan Lidnut (ven.: Кичменгский Городок, sijaližed paginnimed oma Кич-Городок i muite Городок) om Venäman žilo Vologdan agjan päivnouzmas. Se om Kičmengan rajonan administrativine keskuz da kaikiš suremb eländpunkt, mugažo Gorodeckoje-küläkundan keskuz.

Istorii[redaktiruida | redaktiruida purde]

Eländpunkt mainitase ezmäižen kerdan vl 1468 Kazanin totarlaižiden satusekahan londan tagut, hö napriba poltta lidnust. Žilo om pandud geografižele «Sur' Pirdatez»-kartale vl 1599. Petrovskai- i Mihailovskai-jarmankad mäniba žilos joga vodel edel nevondkundališt aigad.

Municipaline «Gorodeckoje»-ühtnik om olmas vspäi 2006. Küläkund mülütab 100 eländpunktad, sidä kesken 9 žilod i 91 küläd.

Kičmengan Lidnut šingotase valdkundaližil holitišil, mectehmižen edheotandal i lihanümbriradajal kompanijal.

Geografijan andmused[redaktiruida | redaktiruida purde]

Žilo sijadase rajonan keskuzpalas, kukhikahas tahondas, Jug-jogen hural randal, Kičmen'gan lanktendanno sihe huralpäi. Matkad agjan Vologd-pälidnhasai om 344 kilometrad päivlaskmha orhal vai 474 km avtotedme. Lähembaine lidn om Nikol'sk 50 kilometrad suvhe-suvipäivlaskmha orhal vai 64 km avtotedme.

«Manturovo — Nikol'sk — Kotlas»-avtote läbitab žilod.

Eläjad[redaktiruida | redaktiruida purde]

Vn 2002 Venäman rahvahanlugemižen mödhe eläjiden lugu oli 6 754 ristitud, vl 2010 — 6 421 ristitud. Kaikiš suremb žilon ristitišt oli 6 766 eläjad vl 1989. Rajonan ristitišton koumandez eläb žilos.

Ortodoksižen hristanuskondan ph. Aleksandr Nevalaižen jumalanpert' om olmas žilos, kaks' tošt jumalanpertid oma kaičenus, no eile rados.[1]

Nened büdžetižed aluzkundad oma žilos: čomamahtoiden lapsidenškol, kul'turpert', fol'klorkeskuz, kirjišt, kinokeskuz, kodirandantedištandmuzei i rajonan läžundkodi. Opendusen aluzkundad oma kaks' keskškolad (Pervomaiskai i Kičmengan Lidnuden), profškol eile rados vspäi 2014. Eile regulärižid reisid «Kičmengan Lidnut»-lendimportaspäi vn 2012 heinkuspäi. Üks'jäine avtobusmaršrut om olmas žilos.

Homaičendad[redaktiruida | redaktiruida purde]

  1. Kičmengan Lidnuden pühäpertid sobory.ru-saital. (ven.)

Irdkosketused[redaktiruida | redaktiruida purde]