Kotonu

Kotonu
Cotonou

Lidnanznam
Valdkund	Benin
Eläjiden lugu (2021)	1,228,667 ristitud
Pind	79 km²
Pämez'	Lük Atrokpo (kezaku 2020—, Luc Atrokpo)
Telefonkod	+229-
Aigvö	UTC+1

Kotonu (franc.: Cotonou) om Beninan kaikiš suremb lidn, ižandusen pälidn da port, valdkundan ohjastusen olendsija. Lidn om Litoral'-agjan (departamentan) administrativine keskuz, sen pind om lidnan pindha tazostadud.

Istorii

Pen' kalanpüdajiden külä oli lidnan sijas 19. voz'sadan augotišes. Dagomejan Gezo-kunigaz pani eländpunktan alust oficialižeks vl 1830. Francii tegi kožundkirjutest Gezonke vl 1851, hän laski francijalaižile avaita torguindan postad Kotonus. Francijan olemine jäi valdkundan ripmatomuden tedotandhasai.

Vl 1908 saudihe merivaldmoid, i lidn šingotaškanzihe teravamb, no vl 1960 sen ristitišt oli vaiše 70 tuhad eläjid.

Geografijan andmused

Lidn sijadase valdkundan suvipäivnouzmas, 51 m ü.m.t. keskmäižel korktusel, Atlantižen valdmeren i Nokue-järven keskes. Matkad Porto Novo-pälidnhasai om 30 km pohjoižpäivnouzmha orhal.

Klimat om tropine neps lühüdanke kuivsezonanke. Kun keskmäine lämuz om +25..+29 C° vodes läbi. Ekstremumad oma +17 i +39 C°. Paneb sadegid 1308 mm vodes, enamba kezakus (356 mm), kuiv sezon harmattan-tulleinke oleskeleb tal'vkus-vilukus (29 mm pordos).

Eläjad

Vl 2012 eläjiden lugu oli 779 314 ristitud. Vl 2021 kaik 2,55 mln eläjid om lidnan aglomeracijas.

Riman katoližed i protestantizman pühäpertid dominiruidas. Om islaman pühäpertid.

Ižanduz

Nenid tavaroid tehtas Kotonus: pal'mvoi, olud, tekstil', cement. Mecanpilindan kompanijad, motorlikkuimiden i velosipedoiden ühthekeradamižen edheotandad ratas lidnas. Kivivoin samine tegese mererandaližiš platformišpäi.

Eksportan päproduktad oma kivivoi, boksitad, raudkivend. Tekstilin i Evropan avtoiden torgused oma olmas lidnas.