Kropivnickii

Kropivnickii
Кропивницький

Lidnanznam	Flag
Valdkund	Ukrain
Eläjiden lugu (2016)	231,089 ristitud
Pind	103 km²
Pämez'	Andrii Raikovič (kül'mku 2015—)
Telefonkod	+380−522
Aigvö	tal'vel UTC+2, kezal UTC+3

Kropivnickii (ukr.: Кропивницький [kropeu̯nɪt͡sʲkɪi̯], enččel Єлисаветград (Elisavetgrad) vhesai 1924, vozil 1924−1934 Зінов'євськ (Zinovjevsk), vll 1934−1939 Кiрово (Kirovo) i vozil 1939−2016.07 Кіровоград (Kirovograd)) om Ukrainan lidn, sijadase agjan i Ukrainan keskuzpalas. Se om Kirovogradan agjan administrativine keskuz.

Istorii

Eländpunktan aluz om pandud vl 1754 kuti lidnuz ph. Jelisavetan nimenke. Vl 1775 lidnuz ümbärdajidenke slabadoidenke saiba lidnan statusad. Lidn oli Ukrainan ižandusen znamasižeks keskuseks edel Odessan, Nikolajevan i Hersonan alusenpanendad.

Vl 2016 udesnimitihe Mark Kropivnickii-akt'oran da dramaturgan muštoks.

Kropivnickii šingotase maižanduztehnikan pästandal, sömtegimištol i urankivendon samižel da küllästamižel.

Geografijan andmused

Lidn sijadase Ingul-jogen randoil da Dnepranveren ülüden pautkil, 124 m ü.m.t. keskmäižel korktusel.

Klimat om ven kontinentaline. Voden keskmäine lämuz om +8,2 C°. Paneb sadegid 534 mm vodes, enamba kezal (50..70 mm kus).

Eläjad

Vl 1897 ristitišt oli 62,5 tuhad eläjid. Kaikiš suremb eläjiden lugu oli 269 803 ristitud vl 1989.

Rahvahad (vn 2001 rahvahanlugemižen mödhe, enamba 0,4%): ukrainalaižed — 85,8%, venälaižed — 12,0%, vaugedvenälaižed — 0,5%, toižed rahvahad — 1,7%.

Irdkosketused

• Kropnivickijan Radan oficialine sait (kr-rada.gov.ua). (ukr.) (+ äikel'ne känduz)