Lehtkuz'

Vikipedii
Lehtkuz'
Lehtkuz'
Evropalaine lehtkuz' (Lárix decídua) om heimon tipine erik
Tedoklassifikacii
Valdkund: Kazmused
Palakund: Kavag'kazmused (Pinophyta)
Klass: Kavag'kazmused (Pinopsida)
Kund: Pedaižed (Pinales)
Sugukund: Pedaižed (Pinaceae)
Heim: Lehtkuz'
Latinankel'ne nimi
Lárix A.Dietr.

Wikispecies-logo.svg
Sistematik
Vikierikoiš

Commons-logo.svg
Kuvad
Vikiaitas

ITIS 183409
NCBI 3325

Lehtkuz' (latin.: Larix) om Pedaižed-sugukundan puiden heim. Kavag' pakuštub i lankteb tal'veks. Kaikiš enamba levitadud pu mail'mas. Tetas 10..11 erikod da niiden äiluguižid gibridoid.

Leviganduz[redaktiruida | redaktiruida purde]

Heimon erikod kazdas Evrazijan i Pohjoižamerikan venos i subarktižes vöiš, mägiden subal'pižiš tahondoiš. Kaikiš suvemb areal om Kitain suvipäivlaskmas, Nepalas, Butanas i Indijan pohjoižes. Sädab järghižid mecoid vai kazvab toižiš mecoiš ližapuks. Lehtkuzen mecad ottas mail'man mecan kahesa procentad.

Kazvab sättumatomiš sijiš toižile puile — sokhil i vägitomil mahusil, igähižen rougun (Sibir') i vilun tal'ven (Pohjoižamerik) tahondoiš. Navedib täut päivänvauktust.

Ümbrikirjutand[redaktiruida | redaktiruida purde]

Lehtkuz' oleleb 50 metrhasai kortte, tüvi om ühthe metrhasai. Käbud sündudas pun 15-voččes igäspäi. Eläb 300..400 vot, voib eläda 800 vodhesai.

Kävutand[redaktiruida | redaktiruida purde]

Kävutand oli röunatud pun vedusen tagut, verez pu uptab vedes i ei kožui vugonkale jogidme. Mugažo pumaterial om rugakaz lujas, se kändihe kovaks tammin kartte kuivamižen jäl'ghe.

Ištutadas erasid erikod dekorativižikš.

Erikod da gibridad[redaktiruida | redaktiruida purde]

  • Larix czekanowskii — Čekanovskijan lehtkuz'
  • Larix deciduaEvropalaine lehtkuz' (tipine erik)
  • Larix gmelinii — Gmelinan lehtkuz'
  • Larix griffithii — Griffitan lehtkuz'
  • Larix kaempferi — Kempferan lehtkuz', vai Japonine lehtkuz'
  • Larix laricina — Amerikalaine lehtkuz'
  • Larix × lubarskii — Lübarskijan lehtkuz'
  • Larix lyallii — Laielin lehtkuz'
  • Larix mastersiana — Mastersan lehtkuz'
  • Larix occidentalis — Päivlaskmaine lehtkuz'
  • Larix × polonica — Pol'šan lehtkuz'
  • Larix potaninii — Potaninan lehtkuz'
  • Larix sibirica — Sibirine lehtkuz' [syn. Larix sukaczewii — Sukačevan lehtkuz']

Homaičendad[redaktiruida | redaktiruida purde]