Mistolovo

Mistolovo
Мистолово

Valdkund	Venäma
Eläjiden lugu (2017)	174 ristitud
Telefonkod	+7−81 370-xx-xxx
Avtokod	47
Aigvö	UTC+3 (MSK+0)

Mistolovo (ven.: Ми́столово, suom.: Mistola) om külä Leningradan agjan Vsevoložskan rajonas, sen Bugrin lidnankundas.

Istorii

Eländpunkt mainitase ezmäižen kerdan vn 1727 kartal kuti Mistula. Vll 1926−1939 külä oli Mistolovon suomen rahvahaližen küläkundan keskuseks. Ühthemänho 168 tanast lugetihe küläs vl 1940.

Vl 1942 külän ristitišton päpala — inkeriläižed — oli deportiruidud, i vl 1958 kaik 288 ristitud elihe siš.

Mägisuksiden «Ohta Park»-kurort radab külänno.

Geografijan andmused

Külä sijadase rajonan keskuzpalan päivlaskmas, lidnankundan keskuzpalas. Matkad lidnankundan Bugri-keskushesai om kahesa kilometrad.

Vl 2007 külälaižiden lugu oli 122 ristitud. Vn 2010 Venäman rahvahanlugemižen mödhe külän ristitišt oli 161 eläjad. Kaikiš suremb külän ristitišt oli 749 eläjad vl 1928. Pertišt kogoneb kottedžišpäi. Kaik om 26 irdad küläs.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.