Oksford

Oksford
Oxford
	Lidnanznam;
Valdkund	Sur' Britanii
Eläjiden lugu (2024)	166,034 ristitud
Pind	45,59 km²
Pämez'	Mark Ligo; (külmku 2020—,; Mark Lygo)
Telefonkod	+44−18
Aigvö	tal'vel UTC+0,; kezal UTC+1

Oksford (angl.: Oxford [ˈɒksfərd] «härgiden bradindsija») om Suren Britanijan lidn Anglijan keskuzpalan suves. Om Oksford-grafkundan administrativine keskuz, sen üks'jäine lidn city-statusanke.

Istorii

Eländpunkt mainitase ezmäižen kerdan Angližsaksan aigkirjas vl 912 kut jumalankodi. Kaikiš amuižemb anglijankel'žes mirus Oksfordan universitet om avaitud lidnas vspäi 1117.

Oksford šingotase universitetal, avtosauvomižel (nügüd' BMW Mini) Kauli-neiborhudas lidnan suvipäivnouzmas, tedoidusil i biznesedheotandoil niiden alusel (instrumentad, mašinad, informacižed tehnologijad), pästandkodil, turizmal.

Geografijan andmused

Lidn sijadase grafkundan keskuzpalas, Temz-jogen randoil, jogen kümnemijläine pala nimitase Aizis:aks lidnas. Čaruell-jogi (angl.: Cherwell 64 km pitte) lankteb Temzha huralpäi lidnan territorijal.

Matkad Londonhasai om ühesakümne kilometrad suvipäivnouzmha, Börmingemhasai om 103 km lodeheze.

Klimat om ven valdmeren, pil'vekaz vodes läbi, tal'vel eriližešti. Voden keskmäine lämuz om +11,1 C°, kezakun-elokun +15,9..+18,1 C°, sügüz'kun +15,0 C°, tal'vkun-uhokun +5,2..+5,5 C°. Ekstremumad oma −17,8 C° (tal'vku) i +38,1 C° (heinku). Kezaaigan minimum om +0,2 C° (eloku), tal'vaigan maksimum om +18,8 C° (uhoku). Ei voi panda halad kezakus-elokus. Paneb sadegid 682 mm vodes, läz tazomäras kuidme, enamba redukus-tal'vkus (66..73 mm kus), vähemba keväz'kus (43 mm).

Eläjad

Vn 2011 Suren Britanijan rahvahanlugemižen mödhe lidnan eläjiden lugu oli 157,997 ristitud (grafkundan nelländez), heiden kesken läz 30 tuhad üläopenikoid.

Galerei

Lidnan tobmuden sauvuz (Town Hall, 2011) Oksfordan muzejanke pertin agjas
Hristan kafedraline päjumalanpert' kolledžanke (anglikanine, 1160−1200), vn 2015 nägu
Oksford-päraudtestancii i Sajidan biznesškol (Oksfordan universitetan pala) lidnan keskuzpalas vl 2013
Oksfordan universitetan ühthine nägu vn 2016 redukus

Irdkosketused

Lidnan oficialine sait (oxford.gov.uk). (angl.)

Oksford Vikiaitas