Mine sisu juurde

Oksford

Vikipedii-späi
Oksford
Oxford
Lidnanznam
Valdkund Sur' Britanii
Eläjiden lugu (2021) 162,040 ristitud
Pind 45,59 km²
Oksford Oxford
Pämez' Mark Ligo
(külmku 2020—,
Mark Lygo)
Telefonkod +44−18
Aigvö tal'vel UTC+0,
kezal UTC+1


Oksfordan kart ezilidnoidenke (2017)

Oksford (angl.: Oxford [ˈɒksfərd] «härgiden bradindsija») om Suren Britanijan lidn Anglijan keskuzpalan suves. Om Oksford-grafkundan administrativine keskuz, sen üks'jäine lidn city-statusanke.

Istorii[vajehta | vajehtada tekst]

Eländpunkt mainitase ezmäižen kerdan Angližsaksan aigkirjas vl 912 kuti jumalankodi. Kaikiš amuižemb anglijankel'žes mirus Oksfordan universitet om olmas vspäi 1117.

Oksford šingotase universitetal, avtosauvomižel (nügüd' BMW Mini) Kauli-neiborhudas lidnan suvipäivnouzmas, tedoidusil i biznesedheotandoil niiden alusel (instrumentad, mašinad, informacižed tehnologijad), pästandkodil, turizmal.

Geografijan andmused[vajehta | vajehtada tekst]

Lidn sijadase Temz-jogen randoil, jogen kümnemijläine pala nimitase Aizis:aks lidnas. Čaruell-jogi (angl.: Cherwell 64 km pitte) lankteb Temzha huralpäi lidnan territorijal. Matkad Londonhasai om 90 km suvipäivnouzmha, Börmingemhasai om 103 km lodeheze.

Klimat om ven valdmeren. Voden keskmäine lämuz om +11,1 C°, kezakun-elokun +16..+18 C°, tal'vkun-uhokun +5..+6 C°. Ekstremumad oma −17 C° i +38 C°. Paneb sadegid 681 mm vodes, läz tazomäras kuidme.

Eläjad[vajehta | vajehtada tekst]

Vl 2011 lidnan eläjiden lugu oli 157 997 ristitud (grafkundan nelländez), sidä kesken läz 30 tuhad üläopenikoid.

Irdkosketused[vajehta | vajehtada tekst]