Pasklindunvuiččed
Pasklindunvuiččed | ||||||||
---|---|---|---|---|---|---|---|---|
Tedoklassifikacii | ||||||||
|
||||||||
Latinankel'ne nimi | ||||||||
Passeriformes (Linnaeus, 1758) | ||||||||
|
Pasklindunvuiččed (latin.: Passeriformes) om kaikiš äiluguižemb linduiden heimkund. Lugetas läz 5400 erikod, linduiden erikoiden koume videndest.
Leviganduz[vajehta | vajehtada tekst]
Kaikiš amuižembad heimon ezitajad oma löutud AUV:oiden i Saksanman eocenas (56..34 mln vozid tagaz). Voib vastata heimon erikoid kaikes mail'mas päiči Antarktidas i valdmeren erasiš-se sariš. Erikod oma äiluguižed tropikoiden mecoiš.
Ümbrikirjutand[vajehta | vajehtada tekst]
Penen i keskmäižen suruden lindud, hibjan piduz oleleb 9,5 santimetraspäi (Regulus-heim) 65 santimetrhasai (kroikoi). Lühüd n'ok om žoubimha tähkheinid, sen aluz ei ole kattud vahal nikonz'. Käpšud oma kattud höunhil kandhasai, ezišpäi niiden suruz om enamba. Käpšul om nell' sor'mid, koume oma oigetud edehe, üks' tagaze, ezisor'mišpäi kaks' ühtenzoittas kerthel pidust' ezmäšt niveleht.
Erikoiden enambuses emäčud oma suremb mi ižačud. Sugudimorfizm ozutase sel'ktas höunhišton mujul, pajolinduil se om änes mugažo (vaiše ižačud pajatadas).
Klassifikacii[vajehta | vajehtada tekst]
Heimkund jagase koumeks alaheimkundaks:
- Alaheimkund Acanthisitti (üks' sugukund, Uz' Zelandii)
- Alahemkund Tirannad (Tyranni)
- Infraheimkund Eurylaimides (nell' sugukundad)
- Infraheimkund Tyrannides (12 sugukundad)
- Alahemkund Pajopasklindud (Passeri)
- Infraheimkund Corvida (29 sugukundad)
- Infraheimkund Passerida (52 sugukundad)
Homaičendad[vajehta | vajehtada tekst]
Pasklindunvuiččed Vikiaitas |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |