Mine sisu juurde

Pedro Huan Kabal'jero (lidn)

Vikipedii-späi
Pedro Huan Kabal'jero
Pedro Juan Caballero
Flag
Valdkund Paragvai
Eläjiden lugu (2020) 122,190 ristitud
Pedro Huan Kabal'jero Pedro Juan Caballero
Telefonkod +595−336
Aigvö tal'vel UTC−4,
kezal UTC−3


Pedro Huan Kabal'jero (isp.: Pedro Juan Caballero, mugažo guaranin kelel, ispanine virkand: [ˈpeðɾo ˈxwaŋ kaβaˈʎeɾo]; sijaline lühenduz: Pedrojuán) om lidn Paragvain päivnouzmas. Se om valdkundan seičemenz' lidn eläjiden lugun mödhe, Amambai-agjan administrativine keskuz.

Istorii[vajehta | vajehtada tekst]

Eländpunktan aluz om pandud penen järven randha vll 1893..1901, 1899. om oficialine alusenpanendan voz'. Nimitihe likundan Paragvain ripmatomudes Pedro Huan Kabal'jero-vägimehen (1786−1821) muštoks.

Pedro Huan Kabal'jero šingotase torguindal Brazilijanke, voib ostta odvad elektronikad, alkogoližid jomid, tabaktegesid da toižid kulutandtavaroid, löuta kontrabandad.

Geografijan andmused[vajehta | vajehtada tekst]

Lidn sijadase 670 m ü.m.t. keskmäižel korktusel, Brazilijan valdkundröunanno. Braziline Ponta Poran-lidn (alusenpanend 1892) i municipalitet om ani röunan taga. Matkad Asunsjon-pälidnhasai om 360 km suvipäivlaskmha orhal vai 460 km avtotedme.

Klimat om subtropine neps. Voden keskmäine lämuz om +21,9 C°, semendkun-sügüz'kun +18..+20 C°, redukun-keväz'kun +23..+25 C°. Paneb sadegid 1650 mm vodes, enamba kül'mkus-tal'vkus (191..198 mm kus), vähemba heinkus (44 mm).

Pedro Huan Kabal'jeron rajonan pind om 3698 km². Se jagase 60 kundaks: 16 barrio:d om lidnas i 44 kundad oma külätahondas.

Eläjad[vajehta | vajehtada tekst]

Vl 2002 lidnan eläjiden lugu oli 64 600 ristitud. Kaikiš suremb ristitišt om nügüd'. Vl 2020 kaik 122 190 ristitud elihe rajonas, heišpäi 103 247 ristitud eliba lidnas.

Tatanmaine civiline aerodrom Dr. Augusto Roberto Fusteran nimed (PJC / SGPJ) sijadase 20 kilometras lidnan keskusespäi. Tegihe reisid Asunsjon-pälidnha i Sjudad Del' Este-lidnha.