Pihl'

Järgeline (evropine) pihl' (Sórbus aucupária) ploduidenke

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Dicotyledones)
Kund:	Rozänikoižed (Rosales)
Sugukund:	Rozanvuiččed (Rosaceae)
Trib:	Jablokanvuiččed (Maleae)
Heim:	Pihl'

Latinankel'ne nimi

Sorbus L., 1753

Sistematik
Vikierikoiš

Kuvad
Vikiaitas

ITIS 25318

NCBI 23222

Pihl' (latin.: Sorbus) om puiden heim, mülütadas Rozanvuiččed (Rosaceae)-sugukundha, sen Jablokanvuiččed-tribha (pol'vhe).

Ümbrikirjutand

Kazdas erižpuil (pukazmusil) i pihlikoil (pihl'žomil). Pihl' om lujas pakaižvastaine kazmuz. Kazvab jügedoil-ki sijil: vällil mahusil, tahoil gruntveden korktanke tazopindanke.

Plod om jablokanvuitte henidenke semnidenke. Mülütab läz 8 % saharid, organižid muiktusid, mikroelementoid, karotinad, C- i P- vitaminoid, mugažo travii amigdalin.

Kävutand

Ottas kävutamižhe pumaterialaks i dekorativižeks kazmuseks. Kul'tiviruidas da kävutadas erasiden-se sortuiden marjoid sömhä, ümbriratas keitišeks. Voib kävutada pihläd mamkazmuseks kazvatamha aivan i grušan vezoid. Hüvä medenkandai. Rahvahanmedicin kävutab pihlän ploduid zelläks otmaha südäimehe.

Erikod

Kaik om olmas sada da kuz' pihlän erikoid Evropan, Azijan i Pohjoižamerikan venos vönes. Heimon tipine i kaikiš paksumb erik om järgeline (evropine) pihl' (latin.: Sorbus aucuparia). Tedoidusiden alusel ühesa alaheimod oma kätud erigoittud heimoikš tehmaha Sorbus-heimod monofiletižeks. Ned heimod alištudas intensivižele londuseližele gibridizacijale. Severz'-se tarbhaižid gibridoid sätud selekcijal heimon südäimes (tetas läz kümned sortuid) i heimoiden keskes.

Valitud toižed erikod: