Pirg

Vikipedii
Mine navigeerimisribale Mine otsikasti
Formitadud vepsän pirgad varastadas päčid

Pirg om sömine tahthaspäi miččenke-ni päluiženke (avol'jaine) vai südäimenke (umbel'jäine, saubaline), kudambad pašttas vai räkištadas.

Pühäpäivän i praznikan söm vepsän elos. Slokosttäs veroližid pirgoid reskas nižu- vai rugižtahthaspäi.

Erased instrumentad pirgoiden tehmižen täht: pirgvärtin, pirgpuik.

Toižendad[redaktiruida | redaktiruida purde]

  • Bolpirg — pirg bolan marjoidenke.
  • Bounušnik — pirg lapačuikahidenke senidenke.
  • Haudpirg — pirg haudnikoidenke (hauttud nagrhenke).
  • Hernehpirg, hernehnik, hernehsuusin — pirg hernhenke.
  • Jauhpirg — pirg päluižeta i südäimeta.
  • Kalakurnik — pirg-kurnik pašttud kalanke südäimes.
  • Kapustnik, kapustpirg — pirg kapustanke.
  • Kokat' — pen' nügelzoittud molembiš polišpäi pirg südäimenke.
  • Kubel'nik — umbel'jäine pirg (südäimenke).
  • Kurnik — pirg kalanke vai lihanke.
  • Labohtez — pirg nagrhenke vai kartohkanke.
  • Levaš — avol'jaižen pirgan (päluiženke) toižend.
  • Lihakurnik — pirg lihanke.
  • Mustiknik, mustikpirg — pirg mustikaižen marjoidenke.
  • Nabolnik — pirg bolan marjoidenke päluižeks.
  • Nagrižpirg — pirg nagrhenke.
  • Pirgut — pen' pirg.
  • Suusin — avol'jaižen pirgan toižend.
  • Šoiduikaz pirg — pirg lapakoiktoidenke šoiduidenke.
  • Šonnik — pirg šonanke.
  • Taukunpirg — pirg tauknanke.
  • Tulčenik — umbel'jäine pirg bobsüdäimenke (bobad vai herneh).

Pirgha sidotud vepsän muštatiž[redaktiruida | redaktiruida purde]

Nagrižpirgas eile sömäd, nekrutas eile oluhad.

Kacu mugažo[redaktiruida | redaktiruida purde]

Homaičendad[redaktiruida | redaktiruida purde]



Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.