Pokrovsk

Vikipedii
Hüpähtada: navigacii, Ecind
Pokrovsk
Покровск (ven.)
Покровскай / Эргис (jakut.)
Flag
Flag of Pokrovsk (Yakutia).svg
Valdkund Venäma
Eläjiden lugu (2017) 9 177 ristitud
PokrovskПокровск (ven.)Покровскай / Эргис (jakut.)
Pämez' Petr Germogenov (2 015—)
Telefonkod +7-41 144-xx-xxx
Avtokod 14
Aigvö UTC+9 (MSK+6)


Pokrovsk (ven.: Покровск, jakut.: Покровскай, Эргис) om Venäman lidn da lidnankund Saha Tazovaldkundan keskuzpalas. Se om Hangalassin ulusan administrativine keskuz.

Istorii[redaktiruida | redaktiruida purde]

Enččel jakutalaižiden Tigin Darhan-karaulpost seižui korktal nemel. Nügüdläižen eländpunktan aluz om pandud vl 1682 kuti Jumalanmaman katken rist-karaulpost (ven.: Покровский крест — караульный пост). Vozil 1720—1734 da 1787—1960 jumalanpert' oli olmas, sidä kävutihe naižjumalankodikš. Pokrovsk sai lidnan statusad vl 1997.

Geografijan andmused[redaktiruida | redaktiruida purde]

Lidn sijadase Len-jogen korktal hural randal, seižub 90 m keskmäižel korktusel valdmeren pindan päl. Matkad Jakutskhasai om 78 km pohjoižpäivnouzmha, se om lähembaine lidn.

Pokrovsk om lidnankundan üks'jäine eländpunkt. Lidnankundan pind — 320,81 nellikkilometrad.

Eläjad[redaktiruida | redaktiruida purde]

Vn 2010 kaiken Venäman rahvahanlugemižen mödhe eläjiden lugu oli 9 495 ristitud, ulusan ristitišton kaks' seičemendest. Kaikiš suremb ristitišt oli vozil 2000—2009, enamba 10 tuhad eläjid (vl 2001 — 10 200 rist.).

Ižanduz da transport[redaktiruida | redaktiruida purde]

Tegimišton sarakod oma sauvondmaterialiden tehmine, bazal'ttegesiden pästand, kombisömän tegim živatoiden täht. Maižandusen edheotand i karvanferm oma olmas lidnankundas. Biznes-tehnologijoiden kolledž om professionaližen opendusen aluzkundaks.

Avtobusad oma kundaližeks transportaks lidnas da sen ümbrištos. Asfal'tiruidud te ühtenzoitab Jakutskanke. Raudte TindAlabestäh i federaline «Len»-trass (A360) mändas Lenan vastrandadme, valdmad oma lidnas da «Pokrovsk — Tit-Ebä»-ehtatim Lenas üliči.

Irdkosketused[redaktiruida | redaktiruida purde]



Saha Tazovaldkundan lidnad
Aldan | Jakutsk | Lensk | Mirnii | Nerüngri | Nürb | Olökminsk | Pokrovsk | Srednekolimsk | Tommot | Udačnii | Verhojansk | Vilüisk
Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.