Pokrovsk (Saha Tazovaldkund)

Pokrovsk
Покровск (ven.)
Покровскай (jakut.)

Lidnanznam	Flag
Valdkund	Venäma
Eläjiden lugu (2023)	11,991 ristitud
Pind	11 km²
Pämez'	Petr Germogenov (sügüz'ku 2015—)
Telefonkod	+7−41 144-xx-xxx
Avtokod	14
Aigvö	UTC+9 (MSK+6)

Sil sanal voib olda toižid znamoičendoid; miše nähta niid, tulgat tänna.

Pokrovsk (ven.: Покро́вск, jakut.: Покровскай) om Venäman lidn da lidnankund Saha Tazovaldkundan keskuzpalas. Se om Hangalassin ulusan administrativine keskuz.

Istorii

Enččel jakutalaižiden Tigin Darhan-karaulpost seižui korktal nemel. Nügüdläižen eländpunktan aluz om pandud vl 1682 kuti Jumalanmaman katken rist-karaulpost (ven.: Покровский крест — караульный пост). Vozil 1720−1734 da 1787−1960 jumalanpert' oli olmas, kävutihe sidä naižjumalankodikš. Pokrovsk sai lidnan statusad vn 1997 26. päiväl sügüz'kud.

Pokrovskan tegimišton sarakod oma sauvondmaterialiden tehmine, bazal'ttegesiden pästand, kombisötken tegim. Maižandusen edheotand i karvanferm oma saudud lidnankundas.

Geografijan andmused

Lidnan sijaduz rajonas i tazovaldkundas vn 2007 kartal

Lidn sijadase ulusan päivnouzman keskuses, Len-jogen korktal hural randal, seižub 90 m keskmäižel korktusel valdmeren pindan päl.

Matkad Jakutskhasai om seičemekümne kahesa kilometrad pohjoižpäivnouzmha, se om lähembaine lidn.

Tobmuz

Pokrovsk om lidnankundan üks'jäižeks eländpunktaks. Lidnankundan pind — 320,81 nellikkilometrad.

Eläjad

Vn 2010 kaiken Venäman rahvahanlugemižen mödhe eläjiden lugu oli 9 495 ristitud, ulusan ristitišton kaks' seičemendest, vn 2021 — 12 021 ristitud. Kaik 9 177 eläjad oli lidnas vl 2017. Kaikiš suremb ristitišt om nügüd' i oli enamba 10 tuhad eläjid vozil 2000−2009 (10 200 rist. vl 2001).

Ortodoksižen hristanuskondan Pühän Jumalanmaman Katken jumalanpert' om saudud lidnas vll 2006−2007, sen 325-voččele jubilejale. Jumalanmaman Katken vanh naižjumalankodi om avaitud sen alusel vspäi 2017.

Openduz

Lapsiden opendusen aluzkundad oma päivkodid, keskškol, muzikškol, čomamahtoine škol.

Biznestehnologijoiden kolledž om lidnan professionaližen opendusen aluzkundaks.

Transport

Avtobusad oma kundaližeks transportaks lidnas da sen ümbrištos. Asfal'tiruidud te ühtenzoitab Jakutskanke.

«Tind — Alabestäh»-raudte i federaline «Len»-trass (A360) mändas Lenan vastrandadme, valdmad oma lidnas da «Pokrovsk — Tit-Ebä»-ehtatim Lenas üliči.

Irdkosketused

• Pokrovsk-lidnan tobmuden sait Saha (Jakutijan) Tazovaldkundan oficialižel portalal (pokrovsk.sakha.gov.ru). (ven.) (angl.) (jakut.)