Mine sisu juurde

Tommot

Vikipedii-späi
Tommot
Томмот (ven. i jakut.)
 Lidnanznam
 Flag
Valdkund Venäma
Eläjiden lugu (2020) 6,834 ristitud
Pind 26 km²
Tommot Томмот (ven. i jakut.)
Pämez' Aleksandr Zaverüha
(keväz'ku 2010—)
Telefonkod +7−41 145-xx-xxx
Avtokod 14
Aigvö UTC+9 (MSK+6)


Avtotesild Aldanas päliči (2006)

Tommot (jakut.: Томмот — «jädumatoi» jakutan kelel, ven.: Томмо́т) om Venäman lidn da lidnankund Saha Tazovaldkundan suves. Mülüb Aldanan rajonha, sen kahtenz' surtte lidn kahtespäi.

Istorii[vajehta | vajehtada tekst]

Eländpunktan aluz om pandud vl 1925 kesked kangast kuti Aldanan radnikoiden lebutaho. Se sai lidnan statusad vl 1933.

Uranan samine tegese läz lidnad 2010-nziš vozišpäi. Raudte tuli lidnha vl 1997, i Tommot-raudtestancii sijadase jonol Tindaspäi. Lidn šingotase sömkombinatal i mecanümbriradmižel.

Geografijan andmused[vajehta | vajehtada tekst]

Lidn sijadase Aldan-jogen molembil randoil (Lenan oiged ližajogi), 280 m ü.m.t. keskmäižel korktusel. Matkad Aldan-rajonkeskushesai (lähembaine lidn) om 65 km suvipäivlaskmha, lähembaine lendimport sijadase siš. Matkad Jakutskhasai om 390 km pohjoižpäivnouzmha orhal.

Kaik nell' pen't žilod mülüdas lidnankundha Tommotan ližaks: Illimah (Ыллымах, 472 rist. vl 2910), Ulu (139 rist.), Üläamg (ven.: Верхняя Амга, 27 rist.), mugažo Bezimännii kaikenaigaižeta ristitištota. Lidnankundan pind — 40 960 km².

Eläjad[vajehta | vajehtada tekst]

Vn 2010 kaiken Venäman rahvahanlugemižen mödhe lidnan eläjiden lugu oli 8 057 ristitud. Kaikiš suremb ristitišt oli 11 800 eläjad vll 1996−2001. Vl 2017 kaik 7 046 ristitud elihe lidnas i 7 553 ristitud kaikes lidnankundas.

Ortodoksižen hristanuskondan Illä-endustajan uz' pühäpert'[1] om saudud vll 2015−2020.

Galerei[vajehta | vajehtada tekst]

Homaičendad[vajehta | vajehtada tekst]

  1. Tommotan pühäpert' hramaldan.ru-saital. (ven.)

Irdkosketused[vajehta | vajehtada tekst]



Saha Tazovaldkundan lidnad
Aldan | Jakutsk | Lensk | Mirnii | Nerüngri | Nürb | Olökminsk | Pokrovsk | Srednekolimsk | Tommot | Udačnii | Verhojansk | Vilüisk