Tind

Tind
Тында
Lidnanznam;	Flag;
Valdkund	Venäma
Eläjiden lugu (2021)	32,894 ristitud
Pind	124 km²
Pämez'	Marina Mihailova; (sügüz'ku 2018—)
Telefonkod	+7−41 656-xx-xxx
Avtokod	28
Aigvö	UTC+9 (MSK+6)

Tind (ven.: Тында) om Venäman lidn da lidnümbrik Amuran agjan lodehes. Se om Tindan rajonan administrativižeks keskuseks mugažo (ei mülü sihe), agjan nellänz' surtte lidn. Kuctas Tindad «BAM:an pälidnaks».

Istorii[vajehtada | vajehtada lähte]

Eländpunktan aluz om pandud vl 1907 kuti Tindinskii-žilo. Se sai lidnan statusad vl 1975, udesnimitihe siloi-žo, kändamha «BAM»-raudten sauvondan keskuseks.

Tindan tegimišton päsarakod oma raudten holituz (2 depod), raudten da avtoten sauvondan edheotandad, mecan varhapanend da ümbriradmižen kompleks. Pened edheotandad pästtas leibtegesid. Saupsihe sömtegimišton edheotandoid (lihamaidkombinat, leibtegim, alkogolitomiden jomiden tegim).

Geografijan andmused[vajehtada | vajehtada lähte]

Lidn sijadase ühtennimižen jogen randal (Amuran hurapol'ne bassein), 520 m ü.m.t. keskmäižel korktusel. Om ümbärtud taigmecal sambnuziden vulkanoiden pautkil. Matkad Blagoveščenskhasai om 572 km suvipäivnouzmha orhal vai 820 km «Amur»-avtotedme. Lähembaine lidn om Skovorodino 140 km suvhe orhal, 180 km avtotedme vai raudtedme.

Tind om lidnümbrikon üks'jäine eländpunkt. Lidnfartaliden pind om 34 km².