Šimanovsk

Vikipedii
Jump to navigation Jump to search
Šimanovsk
Шимановск
Lidnanznam
Shimanov.gif
Valdkund Venäma
Eläjiden lugu (2018) 18 643 ristitud
Pind 50 km²
ŠimanovskШимановск
Pämez' Pavel Berezovskii
(2 007−2 011,
sulaku 2 016—)
Telefonkod +7-41 651-xx-xxx
Avtokod 28
Aigvö UTC+9 (MSK+6)


Šimanovsk (ven.: Шимановск) om Venäman lidn da lidnümbrik Amuran agjan keskuzpalan suves. Se om Šimanovskan rajonan administrativižeks keskuseks mugažo, ei mülü rajonha.

Istorii[redaktiruida | redaktiruida purde]

Eländpunktan aluz om pandud vl 1910 kuti Transsiban Per-žilo raudtestancijanno (ven.: Пера). Vll 1914—1920 nimitihe žilod Gondatti. Vladimiro-Šimanovskii-radnikžilo sai lidnan statusad vl 1950 nügüdläiženke nimenke. Vspäi 1975 alištub agjan tobmudele oikti. Lidn šingotihe sauvondmaterialiden tehmižel BAM:an täht edel 1990-nziden voziden lopud. Järedoiden edheotandoiden bankrotnendan jäl'ghe mašiništonsauvomižen tegimen pala i mecan edheotand ratas lidnas. Ristitišton enambuz radab kosmodroman objektoiden sauvondas Ciolkovskii-lidnanno.

Geografijan andmused[redaktiruida | redaktiruida purde]

Lidn sijadase Sur' Per-jogen üläjoksmusen randoil (ven.: Большая Пера, Zejan oiged ližajogi), 270 m ü.m.t. keskmäižel korktusel. Matkad Blagoveščenskhasai om 190 km suvhe orhal vai 245 km avtotedme. Lähembaižed lidnad oma Ciolkovskii 39 km suvipäivnouzmha orhal, 52 km avtotedme vai raudtedme, i Svobodnii 75 km suvipäivnouzmha orhal vai 100 km niil-žo teil.

Šimanovsk om lidnümbrikon üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 19 815 ristitud. Kaikiš suremb ristitišt oli vll 1979−1998, 25..26 tuhad eläjid (vl 1992 — 26 500 rist.). Ortodoksižen hristanuskondan Sündun londuseližen pühäpert' om olmas vspäi 2012.

Irdkosketused[redaktiruida | redaktiruida purde]



Amuran agjan lidnad
Belogorsk | Blagoveščensk | Ciolkovskii | Raičihinsk | Skovorodino | Svobodnii | Šimanovsk | Zavitinsk | Zei | Tind