Belogorsk (Amuran agj)

Vikipedii
Jump to navigation Jump to search
Belogorsk
Белогорск
 Lidnanznam
Coat of Arms of Belogorsk (Amur oblast).png
 Flag
Flag of Belogorsk (Amur oblast).svg
Valdkund Venäma
Eläjiden lugu (2017) 66 917 ristitud
Belogorsk Белогорск
Pämez' Stanislav Melükov
(reduku 2 008—)
Telefonkod +7-41 641-xx-xxx
Avtokod 28
Aigvö UTC+9 (MSK+6)


Disambig gray.svg Sil sanal voib olda toižid znamoičendoid; miše nähta niid, tulgat tänna.

Belogorsk (ven.: Белогорск) om Venäman lidn da lidnümbrik Amuran agjan suvipalas. Se om agjan kahtenz' lidn eläjiden lugun mödhe, Belogorskan rajonan administrativižeks keskuseks mugažo (ei mülü rajonha).

Istorii[redaktiruida | redaktiruida purde]

Eländpunktan aluz om pandud vl 1860 kuti Aleksandrovskoje-žilo sirdanikoil Permin i Vätkan gubernijoišpäi. Se sai lidnan statusad vl 1926. Vspäi 1957 om nügüdläiženke nimenke.

Belogorskan tegimišton päsarakod oma sauvondtegesiden pästand (raudbetontegesed, läbinägujad konstrukcijad), sömtegimišt sijaližel torhudel, raudten edheotandad (distancii, 3 depod). Lidn om maižanduzrajonan keskuz. Turizm šingotase Belogorskas, 8 adivpertid om saudud lidnas.

Geografijan andmused[redaktiruida | redaktiruida purde]

Lidn sijadase Tom'-jogen hural randal (ven.: Томь, Zejan hura ližajogi), 170 m ü.m.t. keskmäižel korktusel. Belogorsk om Transsiban raudtesol'm, 109-kilometrine raudtesarak ühtenzoitab Blagoveščenskanke suvipäivlaskmas. Om 99 km matkad Blagoveščenskhasai avtotedme. Lähembaine lidn om Svobodnii 56 km lodeheze orhal vai raudtedme, 63 km oiktal avtotel vai 109 km «Amur»-avtoted kävutaden.

Nizinnoje-žilo (472 rist. vl 2017) mülüb lidnümbrikho Belogorskan ližaks. Lidnümbrikon pind — 117,6 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 68 249 ristitud, lidnümbrikon — 68 716 ristitud. Kaikiš suremb lidnan ristitišt oli 75 tuhad eläjid vl 1992. Vl 2017 kaik 66 917 ristitud elihe lidnümbrikos. Om kaht ortodoksižen hristanuskondan pühäpertid.

Professionaližen opendusen aluzkundad oma sijaline Amuran profkvalifikacijoiden äifunkcionaline keskuz[1] i Amuran torguindan da servisan kolledžan 4. palakund (Blagoveščensk, vspäi 2013, enzne Belogorskan sömtegimišton tehnologine tehnikum).

Homaičendad[redaktiruida | redaktiruida purde]

  1. Amuran profkvalifikacijoiden äifunkcionaližen keskusen sait (pksl28.ru). (ven.)

Irdkosketused[redaktiruida | redaktiruida purde]



Amuran agjan lidnad
Belogorsk | Blagoveščensk | Ciolkovskii | Raičihinsk | Skovorodino | Svobodnii | Šimanovsk | Zavitinsk | Zei | Tind