Rabarbar
| Rabarbar | ||||||||||||
|---|---|---|---|---|---|---|---|---|---|---|---|---|
 Rabarbaran Rheum rhabarbarum-erikon ühthine nägu Berlinas keväz'kezal | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Rhéum L. (1753) | ||||||||||||
|
Rabarbar (latin.: Rheum) om järedoiden äivoččiden heinäsižiden kazmusiden heim. Läz kaks'kümned erikod, mülütadas Grečanvuiččed-sugukundha.
Leviganduz
[vajehta | vajehtada lähtetekst]Erikod oma levitadud Azijas, Gimalajad-mägiden pautkilpäi Izrailihesai i Sibirihesai. Ottas kul'turkazmuseks Azijan maiš, Evropas i AÜV:oiš.
Ümbrikirjutand
[vajehta | vajehtada lähtetekst]Jurišt om sanged. Manpäline pala om üks'vozne. Järedad sor'meliž-labasižed vai piikoikahad lehtesed kazdas jurespäi. Seikh lopiše löstkekahal änikusel. Änikod oleskeldas vauktad vai vihandan polhe, harvoin ruzad vai sandal'žed.
Änikoičend lopib arvokahiden lehtesiden kazvandad. Äikerdoičese semnil vai čokvezoil. Plod om pähkmut. Kazmusen erikoden londuseline gibridizacii om kebn.
Kävutand
[vajehta | vajehtada lähtetekst]Kazvatadas maploduks samha lehtesenvarzid kezan augotišes. Pidab varta kazmust i heitta änikvezoid samha parahimid lehtesedvarzid, ei sa čapta kaikid lehtesid kerdalaz. Tehtas keitišt vai sahardudas cukatoikš, ližatas pirgoihe südäimeks. Anttas lehtesid sötlemha sigoid.
Ottas erasiden-se erikoiden jurid zelläks, ned mülütadas hrizofan-glikozidad.
Valitud erikod da gibridad
[vajehta | vajehtada lähtetekst]- Rheum australe — Suvine rabarbar, dekorativine erik.
- Rheum compactum L. — Kompaktine rabarbar
- Rheum emodii — Emodin rabarbar
- Rheum maximowiczii Losinsk. — Maksimovičun rabarbar
- Rheum nanum Sievers — Gobin rabarbar
- Rheum nobile — Hüväsuguine rabarbar, Tibetan endemik.
- Rheum officinale — Zell'rabarbar
- Rheum palmatum — Sor'meline rabarbar, dekorativine erik.
- Rheum rhaponticum — Mustmerine rabarbar, heimon tipine erik, kävutase veterinarijas.
- Rheum rhabarbarum — Kidžer rabarbar, kazvatadas maloduks.
- Rheum ribes L. — Čigičaižrabarbar
- Rheum rupestre — Kall'rabarbar
- Rheum tataricum — Tatarine rabarbar
- Rheum wittrockii Lundstr. — Vittrokan rabarbar
- Rheum × hybridum — Gibridine rabarbar, kazvatadas maploduks.
Homaičendad
[vajehta | vajehtada lähtetekst] |
Rabarbar Vikiaitas |