Randaine

Vikipedii
Jump to navigation Jump to search

«Randaine» (ven.: «Бережок») om üks' Karjalan Tazovaldkundan pajokollektivoišpäi, kudamban aluz om pandud Petroskoihe vodel 2003 Vepsän kul'tursebran tomotusen tagut.

Pajosebran ohjandai — Baranova Irina Vladimirovna.

Žanrad — pajod vepslaižiden runokirjutajiden runoihe, veroližed vepsän pajod.

Mülükund — 12 ühtnijad.

Vspäi 2006 pajosebr käraudase vepsän muzikkul'turan veroližile žanroile. Ansambl' radab voikuiden, sai-, kätte- da lühüdpajoiden, mugažo sanaližiden žanroiden udessündutamižes. Pajoiden pajatand čereduiše vepslaižiden veroližiden karguiden, vändoiden, rengazkarguiden edestamižen ühtes.

Kaik pajosebran pajatajad oma kuspäi-se tulnuded: toižed oma Vologdan, toižed — Piterin da Änižröunan agjoišpäi.[1]

Erazvuiččiden voziden ohjandajad: zavodi rata vepsläižidenke pajanikoidenke Lidija Olešova. Hän radoi «Randaižes» kaks' vot, sid' oli Jurii Mugačev. Hänen jäl'ghe radoi äjak-se Zoja Jefimova. Jatksi necidä azjad Irina Baranova. Vl 2010 pajosebran ohjandai om Jelena Gagarina, hän lopi Piterin kul'turakademijan.[2] [3]

Ristitud, ked konz-se käveliba «Randaižehe»: Vera Mednikova, Valentina Vorobjova, Alevtina Vavilina, Juri Mugačev, Nina Zaiceva, Lidija Olešova, Tamara Ščerbakova.

Pajatab erazvuiččiš Karjalan festivališ[4], mugažo Venäman rahvahidenkeskeižiš praznikoiš.[5]

Homaičendad[redaktiruida | redaktiruida purde]

  1. Larisa Smolina. Em voigoi pajota eläda // Kodima. – 2008. – 02 (uhoku).
  2. Galina Baburova. «Randaine»-ansambl'al zavodihe uz' elo // Kodima. – 2010. – 03 (keväz'ku).
  3. Oksana Kuznecova. Randaine vastsi Raštvad! // Kodima. – 2011. – 01 (viluku).
  4. Татьяна Маркова. Путешествие в Северный край (Tat'jana Markova. Matk Pohjoižrandalesai) // Kodima. – 2011. – 08 (eloku).
  5. Людмила Солдатова. На север, к саамам (Lüdmila Soldatova. Pohjoižhe, saamalaižidennoks) // Kodima. – 2012. – 04 (sulaku).

Irdkosketused[redaktiruida | redaktiruida purde]

Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.