Rankagua

Rankagua
Rancagua
Lidnanznam;	Flag;
Valdkund	Čili
Eläjiden lugu (2017)	241,774 ristitud
Pind	260,3 km²
Pämez'	Raimundo Agliati; (mandat 2024−2028)
Telefonkod	+56−72-xxx-xxx
Aigvö	UTC−4 (keväz'ku — reduku),; UTC−3 (reduku — keväz'ku)

Rankagua (isp.: Rancagua [raŋˈkaɣwa], sijaline suline lühenduz: Rgua, mapuče: Rangkülwe) om lidn da kund (kommun) Čilin keskuzpalas. Se om O'Higginsan agjan i sen Kačapoal'-provincijan administrativižeks keskuseks da palaks.

Istorii

Eländpunktan aluz om pandud kuti lidn Santa Krus de Trian-nimitusenke (isp.: Santa Cruz de Triana) vl 1743. Znamasine Rankaguan tora Čilin ripmatomuden polenpidajiden i Ispanijan sodavägiden keskes tegihe vl 1814.

Rankagua šingotase mecan ümbriradmižel, sömtegimištol, londuseližel, sportivižel i vinturizmal pälidnan regionan täht. Mail'man kaikiš suremb El' Teniente-vas'kkaivuz («leitnant») radab nell'kümnes kilometras päivnouzmha lidnaspäi.

Geografijan andmused

Lidn sijadase agjan pohjoižpäivnouzmas, Andiden pautkidenno, 572 m ü.m.t. keskmäižel korktusel.

Matkad Santjago-pälidnhasai om kahesakümne kilometrad pohjoižhe.

Tobmuz

Kaik kaks'kümne pen't žilod (ühthine ristitišt 7,373 eläjad vl 2002) mülüdas lidnankundha Rankaguan ližaks. Läz kaik kundan ristitišt (96,6 %) om keskitadud lidnas.

Lidnan municipaline nevondkund kogoneb kümnes ühtnijaspäi.

Eläjad

Vl 2002 lidnankundan eläjiden lugu oli 214,344 ristitud, vl 2012 — 232,524 ristitud. Kaikiš suremb lidnan ristitišt om nügüd', otab agjan eläjiden nelländest.

Galerei

Lidnan municipalitetan sauvuz Vägimehiden torgul (reduku 2024)
Lidnan päjumalanpert' (Catedral El Sagrario, katoline, nüg. om saudud vll 1861−1876), vn 2011 nägu
Open Rancagua-moll vl 2024
O'Higginsan universitet (2020)
Agjan läžundkodi (vn 2016 olend)
Rankagua-päraudtestancijan sauvuz vl 2024