Rugižhein

Rugižhein
Apera spica-venti om rugižheinän tipine erik
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Üksidülehtesižed (Monocotyledoneae) Kund: Tähkänikoižed (Poales) Sugukund: Tähkheinäd (Poaceae) Heim: Rugižhein
Latinankel'ne nimi
Apéra Adans., 1763
Sistematik Vikierikoiš Kuvad Vikiaitas ITIS 41397 NCBI 325524

Rugižhein (latin.: Apera), mugažo Kostr i Ozrikhein paginoiš, om üks'voččiden heinäsižiden kazmusiden heim. Mülütadas Tähkheiniden sugukundha.

Areal

Kazvab rujoheinäks semetud sügüzel maižandusen vill'kazmusiden keskes. Eziauguine leviganduz om Evrazii i Afrik, nügüd'aigan invazivine heim Venäman Edahaižes Päivnouzmas i Amerikas.

Navedib jogiden luhtoid, letemaid, pustolänid. Putub mahusil lujetud muiktuzmäranke paksumb.

Ümbrikirjutand

Rugižheinän seikh om püštoiged siled, lehtesed oma kaidad lapakod. Kostran (Ozrikheinän) pened äiluguižed üks'änikoižed tähkad oma 2..3 mm pitte. Ned sätas levedad vai kaidad löuste-änikust.

Küpsnuded semned putkotadas maha kebnas, i rugižhein levigandeb. Idüb sügüzel tobjimalaz.

Erikod

Rugižheinän heim kogoneb vides erikospäi:

• Apera baytopiana
• Apera intermedia — Keskmäine rugižhein
• Apera interrupta — Keskustoikaz rugižhein
• Apera spica-venti — Järgeline rugižhein, heimon tipine erik
• Apera triaristata

Koumanz' i nellänz' erikod kazdas Venäman-ki territorijal.

Kacu mugažo

• Rugiž
• Ozrikkivi