Silotin kel'

Silotin kelen leviganduz valdkundoidme

Silotin kel' vai Silhetin kel' (ičeze nimituz: ꠍꠤꠟꠐꠤ / সিলটী Silôţi [silɔʈi], beng.: সিলেটি [sileʈi], angl.: Sylheti) om üks' indoevropižiš kelišpäi. Se om levitadud Bangladešan pohjoižpäivnouzmaižes Silhetan agjas ezikät. Mugažo silotin kelel pagištas Indijan lähižiš štatoiš: Assam, Tripuran pohjoine.

Pagištas kelel bengaloiden silotin etnografine grupp. Pagižijoiden lugu om kümne millionad ristituid mamankeleks (voziden 2003−2020 andmused) i pol'tošt millionad kahtendeks keleks. Kaik seičeme millionad kelenkandajid elädas Bangladešas. Znamasine diaspor om Sures Britanijas (400 tuhad eläjid), sen Bangladešan immigrantoiden 95 % pagištas silotin kelel. Pagižijoiden toine kel' om bengalan kel' päpaloin, openduz i massinformacijan sarak kävutadas arni sidä.

Toižed tedomehed lugetas kel't erigoittud bengalan kelespäi, toižed (penemb pala) lugetas sen paginaks (dialektaks), hot' keliden kandajad läz ei el'gekoi toine tošt. Silotin kelel om äi ühthižid pirdoid assaman kelenke. Siloti-nagari oli kirjkeleks istorižikš, meiden päivil ottas bengalan kirjkel't.

Silotin kirjamišt

Termitoiden kunigazližed eričud niiden poigaižidenke, starinoiči Mudžahidul Islam Sadžu (Mujahidul Islam Saju) silotin kelel, Silhetan agj, Bangladeš, 30. sügüz'ku 2017. Video om 57 sekundad hätkte.

Istorižen siloti-nagari-kirjkelen kirjamišt

i ꠁ   u ꠃ e ꠄ         ɔ ꠅ   a ꠀ

		m ꠝ	n ꠘ			ŋ ꠋ
			t̪ ꠔ/ꠕ	ʈ ꠐ/ꠑ
		b ꠛ/ꠜ	d̪ ꠖ/ꠗ	ɖ ꠒ/ꠓ		ɡ ꠉ/ꠊ
		ɸ~f ꠙ/ꠚ	s ꠌ/ꠍ		ʃ ꠡ	x ꠇ/ꠈ
			z ꠎ/ꠏ				ɦ ꠢ
			ɾ ꠞ
			l ꠟ

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.