Indoevropižed keled

Indoevropižiden keliden nügüdläine leviganduz Evrazijas gruppoidme:      Baltižed keled      Germanižed keled      Indoiranižed keled      Kel'tižed keled      Romanižed keled      Slavižed keled      Albanijan kel'      Armenijan kel'      Grekan kel'      Toižed kel'kundad Jonoikahad tarhad ozutadas mul'tilingvizman levigandust.

Indoevropižed keled valdkundoiš:      Ristituiden tobj pala pagižeb i kel' om oficialine      Kel' om oficialine, no pagižijad oma vähembuses      Kel' om oficialižeta statusata, no znamasižed vähembused pagištas

Indoevropižed keled oma kaikiš znamasižemb kel'kund nügüd'aigan. Sen keled oma levitadud kaikidme kontinentidme i oma lujas erazvuiččed.

Keled leviganziba Evrazijadme eziauguižešti. Evropan keliden enambuz mülüb indoevropižhe kel'kundha. Pagižijoiden lugu om enamba mi 3,2 milliardad ristituid mamankeleks, mail'man ristitišton nell' ühesandest.

Keled

Kel'kundas om 445 eläbad kel't, sidä kesken 313 oma indoiranižed keled. Sen ližaks, erased keled oma kolnuded jo.

Kaikiš surembad oma jäl'ghižed gruppad:

• germanižed keled: anglijan kel', saksan kel', danijan kel', norvegijan kel', islandijan kel' da tž.;
• slavižed keled i baltižed keled (meletadas, miše niil kelil ühthine ezitat om olmas, om äi ühthižid sanoid da pirdoid): venän kel', ukrainan kel', serban kel', pol'šan kel', latvijan kel', litvan kel' da toižed;
• indoiranižed keled: sanskrit, hindi, bengali, persijan kel', kurdižed keled, osetijan kel' da tž.;
• romanižed keled (kaiked tuliba latinan kelespäi): francijan kel', italijan kel', ispanijan kel', portugalijan kel', romanijan kel' da toiž.;
• kel'tižed keled: kel'tine šotlandijan kel', irlandijan kel', uel'san kel', bretonan kel', menan kel', kornan kel' da toižed. Kaks' jäl'gmäšt kel't oli kolnu 20. voz'sadal, no nügüde ned elädas möst. Kel'tižiden keliden enambusen pagižijoiden lugu om pen' lujas.

Albanijan kel', grekan kel' i armenijan kel' sätas erigoittud gruppid indoevropižed keliden keskes.

Grammatik

Kaik indoevropižed keled oma flektivižed keled.

Keliden enambusel om kändoid, no niiden kändoiden lugu el olend mugoine sur' nikonz uraližiden keliden rindataden. Erasil ei ole kändoid: anglijan keles i ispanijan keles. Indoevropižiden keliden enambusel sugun kategorii om olmas tobjimalaz, ei ole sugud armenijan i persijan keliš.