Tegu

Tegu
대구
*(Daegu)*
Lidnanznam;	Flag;
Valdkund	Korejan Tazovaldkund
Eläjiden lugu (2022)	2,366,852 ristitud
Pind	1,499,51 km²
Pämez'	Hon Džunphö; (heinku 2022—,; 홍준표 / 洪準杓)
Telefonkod	+82-(0)53
Aigvö	UTC+9

Tegu (kor.: 대구 [tɛ̝.ɡu]) om Suvikorejan nellänz' surtte lidn. Se om lidn-metropolijan statusanke (vspäi 2016).

Vn 2002 Mail'man futbolčempionatan severz'-se vändoid vedihe lidnas.

Istorii[vajehta | vajehtada lähte]

Äiluguižed amuižed eländpunktad da kaumištod (vll 1500–3000 edel m.e.) oma löutud lidnan territorijal. Tegu šingotihe jogiden transporttesol'meks. Eländpunkt mainitase ezmäižen kerdan kuti Delgubel vl 261. Om nügüdläiženke nimenke vspäi 757.

Vozil 1896−2016 oli Könsan Pukto-provincijan pälidnaks, vhesai 1981 mülüi sihe.

Tegun ižandusen päsarakod oma metallurgii, mašiništonsauvomine, tekstil'tegimišt.

Geografijan andmused[vajehta | vajehtada lähte]

Lidn sijadase alangištos, kus Kimhogan-jogi lankteb Naktongan-jogehe. Madalad mäged ümbärtas sidä. Lähembaine järed lidn om Pusan 88 km suvipäivnouzmha orhal vai 94 km päraudtestancijoiden keskes, keskust municipalitoiden röunaspäi röunhasai om 60 km.

Klimat om subtropine mussonine. Voden keskmäine lämuz om +14,5 C°, kezakun-elokun +23,4..+26,7 C°, tal'vkun-uhokun +1,1..+3,5 C°. Ekstremumad oma −20,2 C° (viluku) i +40 C° (eloku). Kezaaigan minimum om +7,8 C° (kezaku), tal'vaigan maksimum om +24,4 C° (uhoku). Paneb sadegid 1081 mm vodes, vähemba kül'mkus-uhokus (19..30 mm kus), vihmsezon oleleb kezakus-sügüz'kus (129..245 mm kus).

Tobmuz[vajehta | vajehtada lähte]

Tegu jagase seičemeks ümbrikoks (kor.: 구 gu / ku) da kahteks makundaks (kor. 군 gun / kun).

Edeline lidnan pämez' om Kvon Jandžin (heinku 2014 — kezaku 2022, 권영진 / 權泳臻).

Eläjad[vajehta | vajehtada lähte]

Kaik 2 501 673 eläjad oli lidnas 885,62 nellikkilometrad pindal vl 2018.

Transport[vajehta | vajehtada lähte]

Avtobusad i metropoliten oma kundaližeks transportaks lidnas. Metro radab vspäi 1997 (kaks' jonod, 59 stancijad, 57 km raudted) da monorel's om vspäi 2015 (üks' jono, 30 stancijad, 24 km raudted). Stancii om lidnas Seul — Pusan-kiruhraudtel vspäi 2004.

Rahvahidenkeskeine soda- da civiline Tegu-lendimport^[1] (TAE / RKTN, 4,6 mln passažiroid vl 2019) sijadase lidnan pohjoižpäivnouzmas. Sišpäi tehtas reisid Kitaihe da Suvikorejadme.