Terračin

Terračin
Terracina

Lidnanznam	Flag
Valdkund	Italii
Eläjiden lugu (2026)	45,147 ristitud
Pind	136,59 km²
Pämez'	Frančesko Džannetti (semendku 2023—, Francesco Giannetti)
Telefonkod	+39-(0)773
Aigvö	tal'vel UTC+1, kezal UTC+2

Kommunan sijaduz provincijas vn 2011 kartal

Terračin (ital.: Terracina) om Italijan lidn, kund (kommun) da merikurort Lacio-agjan suves. Mülüb Latinan provincijha.

Istorii

Eländpunkt oli Riman Tazovaldkundan palaks Kolonia Anksurnas-nimenke (latin.: Colonia Anxurnas) 4. voz'sadaspäi EME. Lidn om elänzoittud amuižes aigaspäi rattemata. Istorine keskuz om saudud mägel. Antikaigan äiluguižed muštnikad oma kaičenus ruinoikš: imperatoriden lebupertiden jändused, forum, Jupiter Anksuralaižen pühäpertiden kompleks, letud severziš-se voz'sadoiš edel meiden erad lidnan seiniden jäl'ged.

Terračin šingotase kurortaks ezikät: istorine keskuz, antikaigan i keskaigan muštnikad, kül'bendrandad i adivpertid pidust' mererandad, spravitajad redud. Toine ižanduz om holitišed, kalanpüdand, maižanduz (bujvolvodind mocarellan tehmižen täht, maplodud, änikod).

Geografijan andmused

Latinan provincijan sijaduz agjas i valdkundas vn 2009 kartal

Lidn sijadase provincijan keskuzpalas, agjan suves, Tirrenižen meren randal, 22 m ü.m.t. keskmäižel korktusel.

Matkad Riman keskuzpalhasai om vižkümne kuz' kilometrad lodeheze avtotel vai 76 km raudtel. Ehtatim ühtenzoitab meren Ponc-sarenke.

Eläjad

Vn 2011 Italijan rahvahanlugemižen mödhe lidnankundan eläjiden lugu oli 44,233 ristitud, vn 2021 — 44,504 ristitud. Kaik 46,245 eläjid oli lidnas vl 2018, se ristitišt oli kaikiš suremb kaikes aigas.

Galerei

• 
  Lidnan üks' irdoišpäi (eloku 2012)
• 
  Pühän Kesarijan päjumalanpert' (riman katoline, om saudud 11. voz'sadaspäi), nägu vn 2014 sügüz'kus
• 
  River Palace-adivpertin bassein, kezaku 2011
• 
  Lidnan meriport (Porto di Terracina), nägu Jupiteran pühäpertin jändusišpäi vn 2006 sügüz'kus

Irdkosketused

• Lidnan oficialine sait (comune.terracina.lt.it). (ital.) (+ äikel'ne avtomatine känduz)