Tolido (Ogajo)

Vikipedii-späi
(Oigetud lehtpolelpäi Toledo (Ogajo))
Tolido
Toledo
 Lidnanznam
 Flag
Valdkund Amerikan Ühtenzoittud Valdkundad
Eläjiden lugu (2020) 268,508 ristitud
Pind 217,12 km²
Tolido Toledo
Pämez' Ueid Kapsukevič
(viluku 2018—,
Wade Kapszukiewicz)
Telefonkod +1−419, +1−567
Aigvö tal'vel UTC−5,
kezal UTC−4


Sil sanal voib olda toižid znamoičendoid; miše nähta niid, tulgat tänna.

Tolido (angl.: Toledo [tə'li:doʊ]) om AÜV:oiden lidn Ogajo-štatas sen pohjoiženno röunanno Mičigan-štatanke. Lidn om Lukas-ümbrikon administrativine keskuz.

Istorii[vajehta | vajehtada tekst]

Eländpunktan aluz om pandud nügüdläižhe sijha vl 1837.

Tolido šingotase raudtesol'meks, stöklan i stökolkuidun tegimil, avtodetaliden edheotandoil i Jeep-avtoiden (Fiat Chrysler Automobiles) tegimel.

Geografijan andmused[vajehta | vajehtada tekst]

Lidn sijadase Eri-järven päivlaskmaižel randal, 187 m ü.m.t. keskmäižel korktusel, Momi-jogensunno (angl.: Maumee). Matkad štatan Kolumbus-pälidnhasai om 196 km suvhe orhal vai 233 km avtotedme. Kanadan territorii zavodiše Eri-järven vastrandal.

Klimat om ven kontinentaline, Eri-järv pehmdab säd. Voden keskmäine lämuz om +11,2 C°, kezakun-sügüz'kun +19..+24 C°, tal'vkun-uhokun 0..−2 C°. Ekstremumad oma −29 C° i +41 C°. Paneb sadegid 889 mm vodes, kuidme läz tazomäras, sidä kesken 95 sm lunt.

Eläjad[vajehta | vajehtada tekst]

Vl 2010 lidnan eläjiden lugu oli 287 208 ristitud. Vl 2015 lidnan ristitišt oli 279 789 eläjad. Kaikiš suremb ristitišt oli 383 818 eläjad vl 1970. Kaik 608 tuhad eläjid om ezilidnoidenke (2020, vl 2010 oli 650 tuhad).

Tolidon universitet[1] (angl.: University of Toledo, 17 tuh. üläopenikoid vl 2021) radab 19. voz'sadan lopuspäi, sirdi ezilidnaspäi nügüdläižele sijadusele vl 1931.

Homaičendad[vajehta | vajehtada tekst]

  1. Tolidon universitetan sait (utoledo.edu). (angl.)

Irdkosketused[vajehta | vajehtada tekst]