Torguind

San Huan de Dios-torguz Gvadalaharas, Meksik, 2006

Torguind om ižandusen abusarak i ekonomižen radmižen toižend. Se om oigetud möndan da ostmižen tehmižhe, vajehtushe tavaroil i sihe sidodud processihe: ostajiden holituz, tavaroiden tond, niiden varaduz da kaičend i vaumičend edel möndad.

Process om tetab kiviaigaspäi. Kaidas el'genduses torguind om pagižmižiden process tulemha kožundkirjutesennoks keskladindan znamasižiš arvoimižiš. Torguindvajehtuz tegese rahoiden abul papaloin, no oleleb rahoita-ki, toižin sanoin barter — oiged vajehtuz tavaroil. Torguind om valdkundmaksoiden znamasine purde valdkundan i regionan budžetoiden täht. Om kesknikoiden sarakoks tavaroiden likundas tegijoišpäi ostajižennoks, kävutab logistikad. Torguindan sarak i torguindkapital sünduiba tön jagamiženke, miše kävutada olijoid resursid effektivižemb. Sarakon pämet om ližan lujenduz. Kesknikoiden olend vedab arvoiden ližadusele da küzumižen polendusele, tagasidon olmatomudele ostajan i tegijan keskes. Pättas niid sarakon vigoid erazvuiččil juridižil teil.

Torguindan toižendad: südäimine i irdpol'ne, üksintorguind i äjintorguind, stacionarine i likui. Torguindan ühtnijad: möi (ende torgovan) i ostai, erasti se om üks' person.

Üksintorguind mäneb realižiš laukoiš (pen' i specializirui lauk, torguz, bazar, jarmank, universaline lauk, super- i gipermarketad, moll) vai distancižikš (internetlauk, kurjerradnikoičend, počt). Äjintorguind tegese varažomiden i transportan avaronke kävutandanke, pakitoitusidme paksus.

Rahvahidenkeskeine torguind om globalizacijan likui vägi, mugoman torguindan šingotez om mail'man märhapanijaks pirdaks 20. voz'sadan lopuspäi. Valdkundad napridas panda röunadusid (ližamaksad, embargod, sankcijad) kaičemha tatanmaižid tavaroiden tegijoid. Poletas röunadusid Mail'man torguindorganizacijan ramuziš.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.