Väzemskii (Habarovskan rand)

Väzemskii
Вяземский
Valdkund	Venäma
Eläjiden lugu (2023)	12,791 ristitud
Pind	63,14 km²
Pämez'	Sergei Hotinec; (reduku 2020—,; Сергей Хотинец)
Telefonkod	+7−42 153-xx-xxx
Avtokod	27
Aigvö	UTC+10 (MSK+7)

Sil sanal voib olda toižid znamoičendoid; miše nähta niid, tulgat tänna.

Väzemskii (ven.: Вя́земский) om Venäman röunanverine lidn da lidnankund Habarovskan randan suves. Se om Väzemskijan rajonan administrativine keskuz (vspäi 1934).

Istorii

Eländpunktan aluz om pandud vl 1894 kuti Väzemskai-raudtestancii (ven.: Вяземская) Transsiban «Habarovsk — Vladivostok»-keskustal. Se om nimitadud Ussurin raudten sauvomižen Orest Väzemskii-pämehen oiktastuseks. Eländpunkt sai lidnanvuiččen žilon statusad vl 1938, šingotihe mecan varhapanendal. Žilo sai lidnan statusad vl 1951.

Väzemskii šingotase mecan ümbriradmižen, sömtegimišton, kaivuztehmižen i sauvondmaterialiden sarakon edheotandoil.

Geografijan andmused

Lidn sijadase Ussuri-jogen randpolel, vides kilometras suvipäivnouzmha jogespäi (Kitain valdkundröun), 70 m ü.m.t. keskmäižel korktusel.

Matkad Habarovskhasai om 125 km pohjoižhe avtol. Lähembaine Venäman lidn om Bikin 88 km suvipäivlaskmha orhal, sada kilometrad raudtedme vai «Ussuri»-avtotedme, avtote läbitab lidnan suvipäivnouzmad.

Klimat om ven mussonine. Voden keskmäine lämuz om +2,9 C°, kezakun-elokun +18,2..+21,5 C°, tal'vkun-uhokun −14,8..−19,3 C°. Paneb sadegid 707 mm vodes, enamba heinkus-elokus (144..149 mm kus), vähemba tal'vkus-keväz'kus (11..22 mm kus).

Tobmuz

Väzemskii om lidnankundan üks'jäižeks eländpunktaks.

Lidnankundan tobmuden pämez' om sen Administracijan pämez'. Edeline lidnan pämez' om Aleksandr Usenko (2009 — reduku 2020). Deputatoiden nevondkundan ezimez' om Galina Žigalina vn 2013 kül'mkuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 14 555 ristitud, rajonan koume videndest, vn 2021 — 12 775 ristitud. Kaik 13 187 eläjad oli lidnas vl 2017. Kaikiš suremb ristitišt oli 17..19 tuhad eläjid vll 1939−2001 (19 000 rist. vl 1967).

Ortodoksižen hristanuskondan puine ph. Mikulai-čudonsädajan jumalanpert'^[1] (1898−1901) om udessündutadud lidnas vozil 1993−2001.

Lapsiden opendusen aluzkundad oma kuz' päivkodid (nomer 1..4, 6, 134), koume keskškolad (nomer 1, 2, 20), aluzškol (nomer 3), škol-internat (nomer 12), rajonan čomamahtoiden škol, «Junior»-sportškol. Väzemskijan mechoz-tehnikum^[2] om lidnan professionaližen opendusen aluzkundaks vspäi 1934.