Verblüdankarang
| Verblüdankarang | ||||||||||||
|---|---|---|---|---|---|---|---|---|---|---|---|---|
 Verblüdankarangon Alhagi pseudalhagi-erik küpsidenke pauguidenke Baikonur-lidnan ümbrištos, Kazahstan | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Alhági Gagnebin (1755) | ||||||||||||
|
Verblüdankarang (latin.: Alhagi) om heinäsižiden kazmusiden heim Bobanvuiččed-sugukundaspäi. Elonform om ogakaz pol'penzhaine, harvemb äivozne heinäsine kazmuz.
Leviganduz[redaktiruida | redaktiruida purde]
Kazvab Päivnouzmaižen Evropan suves, Sibiriš, Keskuzazijas, Kavkazan pautkil.
Navedib kuivid stepid, letetazangištoid i pol'letetazangištoid savikonke da šebnänke. Kazvab pidust' jogiden i kanaliden randoid, pustolänil i kezandmail.
Ümbrikirjutand[redaktiruida | redaktiruida purde]
Jur' om pit'k 20 metrhasai, sarakoičese süvüdel. Barboikahad seikhed oma pudunuded alapalas, 30..100 sm kortte. Lehtesed oma pit'kačud kogonaižed 1..2 sm pitte, čereduišoiš. Ogahad oma ezibarbad 2..3 sm pitte, kazdas lehtesiden kaimloišpäi.
Kaik om 3..8 änikod kazmusel, ned oma rusttad vai ruskedvauvhad mujul. Änikoičeb semendkuspäi sügüz'tal'vhesai. Plodud küpsnedas heinkuspäi. Nell'-viž sement paugus.
Kävutand[redaktiruida | redaktiruida purde]
Kaik erikod oma sötmižkazmused, znamasižed letkiš. Hein ottase zell'torhudeks, sidä kesken bakterijanvastaižeks, ottas jurid i ploduid harvemb. Sadas südäivet noriš lehtesišpäi, kuivatas heinäd, tehtas unotest i keitvet. Spravitadas lujad rügišt.
Kogotas sahardunuzid eritusid räkän aigan sömäks («mann») da zelläks Iranas i Afganistanas.
Erikod[redaktiruida | redaktiruida purde]
Heim kogoneb kudes erikospäi:
- Alhagi canescens — Hahk verblüdankarang
- Alhagi kirghisorum — Kirgizine verblüdankarang
- Alhagi maurorum vai Alhagi graecorum
- Alhagi nepalensis
- Alhagi pseudalhagi — Järgeline verblüdankarang
- Alhagi sparsifolia — Harvlehtesine verblüdankarang