Šarlerua

Šarlerua
Charleroi (franc. i alam.)

Lidnanznam	Flag
Valdkund	Bel'gii
Eläjiden lugu (2022)	202,421 ristitud
Pind	102,95 km²
Pämez'	Pol Magnett (tal'vku 2012—, Paul Magnette)
Telefonkod	+32-(0)71
Aigvö	tal'vel UTC+1, kezal UTC+2

Lidnan kart

Šarlerua (franc.: Charleroi, mugažo alaman kelel, francine virkand [ʃaʁləʁwa], vall. Tchålerwè / Châlerwè [tʃɑːlɛʀwɛ]) om Bel'gijan lidn da kund valdkundan keskuzpalan suves, Vallonii-regionan Eno-agjas. Se om valdkundan nellänz' lidn eläjiden lugun mödhe.

Oficialine kel' om francijan kel'.

Istorii

Eländpunktan aluz om pandud ispanijalaižil vl 1666 kut Šarnua-lidnuz (franc.: Charnoy), möhemba udesnimitihe noren Karl II-kunigahan oiktastuseks. Lidn om tegimišton keskusen 18. voz'sadaspäi, sijadase kesked hilen basseinad.

Šarlerua šingotase raudan metallurgijal, himižel tegimištol, stöklan tehmižel, elektrotehnižel tegimištzonal. Brüssel'-Suvine Šarlerua-lendimport radab seičemes kilometras pohjoižhe lidnan keskusespäi.

Geografijan andmused

Lidn sijadase agjan päivnouzmas, Sambr-jogen randal (franc.: Sambre, alam.: Samber, 193 km pitte, Maasan hura ližajogi). Matkad Brüssel'-pälidnhasai om 50 km pohjoižhe.

Šarlerua jagase 15 nimitadud rajonaks, niišpäi 14 oliba kundoikš edel vn 1977 i oma mülütadud lidnha.

Eläjad

Lidnan ristitišt sen nügüdläižiš röunoiš jäb läz vajehtusita vspäi 1900, konz se oli 198 837 eläjad. Kaikiš suremb ristitišt oli 233 737 eläjad vl 1947. Vl 1990 eläjiden lugu oli 206 779 ristitud, vl 2010 — 202 598 ristitud. Vl 2008 lidnaglomeracijan ristitišt oli 522 522 eläjad (videnz' surtte valdkundas), 1 462 km² pindal.

Severz'-se universitetoid i institutoid ratas lidnas.

Irdkosketused

• Lidnan tobmuden sait (charleroi.be). (fr.)