Mine sisu juurde

Abaz (lidn)

Vikipedii-späi
Abaz
Абаза (ven. i hak.)
 Lidnanznam
 Flag
Valdkund Venäma
Eläjiden lugu (2021) 14,816 ristitud
Pind 17 km²
Abaz Абаза (ven. i hak.)
Pämez' Valentina Filimonova
(sügüz'ku 2017—)
Telefonkod +7−39 047-xx-xxx
Avtokod 19
Aigvö UTC+7 (MSK+4)


Jumalanmaman Blagoveššenjan uz' kivine pühäpert' om sauvomas (ortodoksine hristanuskond), vn 2019 nägu

Abaz (hak.: Абаза, ven.: Абаза́) om Venäman lidn da lidnümbrik Hakasijan Tazovaldkundan suves.

Istorii[vajehta | vajehtada tekst]

Eländpunktan aluz om pandud vl 1856 žiloks otamha kävutamižhe raudkivendon löudmižsijad. Vl 1868 kätihe žilod Abakano-Zavodskai-küläks. Vll 1867−1926 kaugedraudantegim radoi siš. Vl 1920 panihe küläd volostin keskuseks, i vl 1921 udesnimitihe Abaz-žiloks (ven.: село Абаза, enččen nimitusen akronim: Абакано-Заводская). Kätihe Abaz-žilod lidnanvuiččeks vl 1956. Vl 1957 raudan samine zavodihe möst, i vl 1966 lidnanvuitte žilo sai lidnan statusad.

Abaz šingotase raudan samižel[1] i küllästamižfabrikal, mugažo vajiden tegim, lihakombinat i mecedheotand ratas lidnas.

Geografijan andmused[vajehta | vajehtada tekst]

Lidn sijadase Abakan-jogen molembil randoil (Jenisein hura ližajogi), mägidenkeskeižes katl'uses, 450 m ü.m.t. keskmäižel korktusel. Matkad Abakanhasai om 150 km pohjoižpäivnouzmha orhal vai 187 km avtotedme. Lähembaine lidn om Sajanogorsk 100 km pohjoižpäivnouzmha orhal vai 170 km avtol. Raudtesarak lopiše lidnas, se lähteb «Abakan — Novokuzneck»-jonospäi, oigetas küllästoittud raudkivendod Novokuzneckan edheotandoihe.

Abaz om lidnümbrikon üks'jäine eländpunkt. Om ümbärtud Taštipan rajonal.

Eläjad[vajehta | vajehtada tekst]

Vn 2010 kaiken Venäman rahvahanlugemižen mödhe lidnan eläjiden lugu oli 17 115 ristitud. Kaik 15 592 eläjad oli lidnas vl 2017. Kaikiš suremb lidnan ristitišt oli 18 700 eläjad vll 2000−2001.

Ortodoksižen hristanuskondan koume jumalanpertid[2] oma saudud lidnas: puine ph. Dmitrii Rostovalaižen (2009), puine Pühän Jumalanmaman Blagoveššenjan (letihe vll 1980−1989) i kivine Pühän Jumalanmaman Blagoveššenjan.

Černogorskan kaivuzsauvondtehnikuman filial[3] om lidnan professionaližen opendusen aluzkundaks.

Homaičendad[vajehta | vajehtada tekst]

  1. Abazan kaivusen sait (rudnikabaza.ru). (ven.)
  2. Abazan pühäpertid sobory.ru-saital. (ven.)
  3. Černogorskan kaivuzsauvondtehnikuman Abazan filialan sait (chgst-abaza.ru). (ven.)

Irdkosketused[vajehta | vajehtada tekst]



Hakasijan Tazovaldkundan lidnad
Abakan | Abaz | Černogorsk | Sajanogorsk | Sorsk