Aleksandrii

Aleksandrii
الإسكندرية *(al'-'Iskandarijja)*
Lidnanznam;	Flag;
Valdkund	Egipt
Eläjiden lugu (2024)	5,696,130 ristitud
Pind	1,661 km²
Pämez'	Abdel'aziz Konsova El' Ghuri; (angl. Abd El Aziz Konsowa El Ghoury)
Telefonkod	+20-(0)3
Aigvö	UTC+2

Aleksandrii (arab.: الإسكندرية al'-'Iskandarijja [al.ʔiskanˈdarijja], sijaline egiptan pagin: Eskenderijja [eskendeˈɾejjæ], amuižgrek.: Ἀλεξάνδρεια Aleksándreia, koptan kel': ⲁⲗⲉⲝⲁⲛⲇⲣⲓⲁ Alezandria vai ⲣⲁⲕⲟϯ Rakodi) om Egiptan lidn-millioner da meriport. Se om valdkundan kahtenz' surtte lidn, Aleksandrijan agjan administrativine keskuz.

Istorii

Eländpunktan aluz om pandud Aleksandr Makedonijalaižel vl 331 EME i om nimitadud hänen nimel. Lidnas ei olend polisan organizacijad, saudihe sidä Deinokrat-arhitektoran regulärižen planan mödhe. Aleksandrii oli Ptolemejiden Egiptan pälidnaks. Torguindlidn tuli lanktusennoks 4.-5. voz'sadoil meiden erad i arabižen anastusen jäl'ghe vl 641. Lidnan torguindznamoičend poleni voz'sadoiš irdpol'židen süiden tagut, vaiše severz'-se tuhid eläjid jäiba 17. voz'sadale. Erased vanhad lidnfartalad upsihe merhe manrehkaidusiden taguiči.

Aleksandrijan udessündutand zavodihe Muhammed Ali-pašan ohjandusen al 19. voz'sadan augus, hän käski sauda ut kanalad Nilan pävagonnoks i sauvoi rezidencijad. Ezmäine Afrikas raudte ühtenzoiti lidnad Kairanke vl 1854.

Aleksandrii om ižandusen äisarakoline keskuz. Kaikenvuitte tegimišt (metallurgii, kivivoihimii, farmaceftine, elektrotehnine) i fondbirž ratas lidnas. Valdkundan kaikiš järedamb port, Egiptan eksportan-importan jüguiden koume nelländest läbitadas sidä. Turizm om šingotadud.

Geografijan andmused

Lidn vedase nell'kümne kilometrad pidust' Keskmeren randad, sijadase viž metrad ü.m.t. keskmäižel korktusel. Ratud vodele 1820 Mahmudii-kanal ühtenzoitab lidnad Nilan suhištonke.

Klimat om letetazangišton vai stepin räk kuiv. Keza om päivoikaz lujas, tal'vaig om pil'vekaz. Voden keskmäine lämuz om +20,9 C°. Ekstremumad oma 0 C° (viluku) i +45,0 C° (semendku). Paneb sadegid 212 mm vodes.

Vl 2009 lidnan ristitišt oli 4,317,398 eläjad, vl 2016 — 4,984,387 eläjad. Kaikiš suremb lidnan ristitišt om nügüd'.

Tetabad sündnuded

Šarif Omar (1932−2015) — egiptalaine akt'or.

Homaičendad

Irdkosketused

Lidnan ohjastusen oficialine portal (alexandria.gov.eg). (arab.) (angl.) (fr.)

Aleksandrii Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.