Alitus

Vikipedii
Jump to navigation Jump to search
Alitus
Alytus
 Lidnanznam
Coat of arms of Alytus (Lithuania).png
 Flag
Flag of Alytus.gif
Valdkund Litvanma
Eläjiden lugu (2016) 54 437 ristitud
Pind 48 km²
Alitus Alytus
Pämez' Vitautas Grigaravičus (2 015—)
Telefonkod +370-315
Aigvö tal'vel UTC+2 
kezal UTC+3


Alitus (litv.: Alytus) om lidn Litvanman suves. Se om Alitusan agjan administrativine keskuz.

Istorii[redaktiruida | redaktiruida purde]

Eländpunkt mainitase ezmäižen kerdan vl 1377 kuti Aliten-lidnuz puspäi. Ezimeletaden, om nimitadud Nemanan ližajogen mödhe, kudamban nimi Alitupis (litv.: Alytupis) nügüd'aigan. Stefan Batorii-kunigaz andoi torguindoiktusid da lidnan statusad vspäi 1581.

Vl 1890 lidnuz om saudud lidnas varmitamha Venäman imperijan päivlaskmašt röunad.

Geografijan andmused[redaktiruida | redaktiruida purde]

Lidn sijadase Nämunas-jogen randoil 200 m kortte valdmeren pindan päl. Matkad Vil'nüshasai om 105 km pohjoižpäivnouzmha orhal. Lähembaine järed lidn om Kaunas 65 km pohjoižhe avtotedme vai raudtedme.

Klimat om ven. Voden keskmäine lämuz om +6,4 C°, vilukun kesklämuz −5 C°, heinkun da elokun +16,7 C°. Paneb sadegid 634 mm vodes, penemb kaiked uhokus-keväz'kus (63 mm pordos).

Eläjad da ižanduz[redaktiruida | redaktiruida purde]

Vn 2011 Litvanman rahvahanlugemižen mödhe eläjiden lugu oli 59 964 ristitud, litvalaižed ottas 96,9% heiden keskes. Kaikiš suremb ristitišt oli vl 1989 — 73 015 eläjad.

«Alytus Arena»-basketbolstadion om saudud lidnas vl 1977, rekonstruiruidud vl 2010. Molembiden sodoiden Afganistanas veteranoiden muzei, saven muzei, kaks' kodirandantedištandmuzejad i kaks' memoriališt muzejad oma Alitusas. Tomatiden mujahtusen festival' oleleb lidnas joga vodel. Evropine bonsain ozutelend oleskeleb vozidme.

Ižandusen sarakod oma himine («Alytaus chemija»), kebn tegimišt («Alytaus tekstilė»-tekstil'edheotand), elektrotehnine sarak («Snaige»-vilugoitimiden tegim), sömtegimišt (alkogoližiden jomiden «Alita»-kompanii).

Irdkosketused[redaktiruida | redaktiruida purde]



Litvanman agjad da niiden administrativižed keskused
Alitusan agj (Alitus) | Kaunasan agj (Kaunas) | Klaipedan agj (Klaiped) | Marijampolen agj (Marijampole) | Panevežisan agj (Panevežis) | Šäuläin agj (Šäuläi) | Tauragen agj (Taurage) | Tel'šäin agj (Tel'šäi) | Utenan agj (Uten) | Vil'nüsan agj (Vil'nüs)