Uten

Uten
Utena
Lidnanznam;	Flag;
Valdkund	Litvanma
Eläjiden lugu (2023)	25,608 ristitud
Pind	15,1 km²
Pämez'	Al'vidas Katinas; (2003—,; Alvydas Katinas)
Telefonkod	+370−349-xx-xxx
Aigvö	tal'vel UTC+2,; kezal UTC+3

Uten (litv.: Utena) om lidn Litvanman pohjoižpäivnouzmas. Se om Utenan agjan administrativine keskuz da pala.

Istorii

Eländpunkt mainitase kirjutadud purtkiš vspäi 1261, Utenan ruhtinasen lidnuz oli saudud. Panihe sidä mantazole 15. voz'sadal. Ezmäine jumalanpert' (kostöl) om saudud vodele 1416. Vn 1879 lämoipalo mureni Utenan koumed nelländest. Satusekaz sijaduz abuti lidnale šingotadas transporttesol'meks.

Uten om trikotažan ühtelmasen sijaduz. Sömtegimišt om šingotadud nevondkundaližes aigaspäi: maidproduktoiden tegim, lihan i oluden kombinatad ratas lidnas.

Geografijan andmused

Lidnan sijaduz valdkundas vn 2005 kartal

Lidn sijadase Vižuon-jogen (litv.: Vyžuona) oiktal randal tobjimalaz, om nimitadud sen ližajogen mödhe (latv.: Utenaitė / Utenėlė).

Matkad Vil'nüshasai om ühesakümne kaks' kilometrad suvhe. Lopstancii raudtesarakol Švenčoneläi-stancijaspäi om saudud läz lidnad. Utenan päraudtestancijan vanh sauvuz om sauptud vl 1972, uz' sauvuz lopi radod vl 2001.

Klimat om ven kontinentaline. Keza om päivoikaz lujas, tal'vaig om pil'vekaz lujas. Voden keskmäine lämuz om +7,0 C°. Kaikiš lujemb pakaine oleskeli −42,9 C° (uhoku), kaikiš lujemb räk — +34,4 C° (heinku). Paneb sadegid 678 mm vodes, enamba kezakus-elokus (74..84 mm kus), vähemba uhokus-sulakus (38..41 mm kus).

Eläjad

Vn 2011 Litvanman rahvahanlugemižen mödhe lidnan eläjiden lugu oli 28 997 ristitud, vn 2021 — 25 343 ristitud. Kaikiš suremb lidnan ristitišt oli 34 430 eläjad vl 1989.

Rahvahad (enamba 0,4 % vl 2011): litvalaižed — 95,9 %, venänikad — 2,4 %, pol'šanmalaižed — 0,5 %, toižed rahvahad — 1,2 %.

Utenan kolledž (litv.: Utenos kolegija) om sätud valdkundal vl 2000 profopendusen sijaližiš aluzkundoišpäi, andab üläopendusen pordhid.

Galerei

Lidnan municipalitetan suiman sauvuz (sügüz'ku 2017)
Sündun Voznesenjan jumalanpert', vn 2019 nägu
Utenan kolledž (2013)
Kodirandantedištandmuzei (2017)

Sport

FK Utenis

Irdkosketused

Uten-lidnan da agjan tobmuden oficialine sait (utena.lt). (litv.) (angl.)

Uten Vikiaitas

	Litvanman statistikan agjad da niiden enččed administrativižed keskused
	Alitusan agj (Alitus) \| Kaunasan agj (Kaunas) \| Klaipedan agj (Klaiped) \| Marijampolen agj (Marijampole) \| Panevežisan agj (Panevežis) \| Šäuläin agj (Šäuläi) \| Tauragen agj (Taurage) \| Tel'šäin agj (Tel'šäi) \| Utenan agj (Uten) \| Vil'nüsan agj (Vil'nüs)