Asan

Asan
아산시 / 牙山市
*(Asan-si)*
	Flag;
Valdkund	Korejan Tazovaldkund
Eläjiden lugu (2024)	353,603 ristitud
Pind	542,25 km²
Telefonkod	+82−41
Aigvö	UTC+9

Asan (kor.: 아산시 / 牙山市 Asan-si [a.san]) om Korejan Tazovaldkundan lidn Čhunčhon Namdo-agjas.

Istorii

Eländpunkt oli makundan lidnudeks 19. voz'sadal. Kätihe makundan keskuseks vl 1914. Sai lidnan statusad vl 1995.

Asan šingotase nell'toštkümnel tegimištkompleksal, niiden kesken avtopaloiden (Hyundai Motors) da elektronikan komponentoiden (Samsung Electronics-kompanijan NK-displeid) tehmižel. Meriport radab lähižes Phönthek-lidnas.

Geografijan andmused

Lidn sijadase valdkundan päivlaskmas, agjan pohjoižes, Kokköčhon-jogen randoil. Se jogi augotase lidnan päivnouzmaižiden mägiden pautkil i jokseb päivlaskmha, sädab avarod alangištod Kvandoksan- (suves) i Jonjisan- (pohjoižes) mägiden keskes. Lidnan pohjoine pala om tazomb relätivižešti, kukhikaz.

Klimat om mussonine, paneb sadegid 1300 mm vodes, enamba vihmsezonas (kezaku-sügüz'ku). Voden keskmäine lämuz päiväl om +16,3 C°, vilukun +1 C°, kezakun-elokun +27..+29 C°.

Eläjad

Vl 2013 lidnan eläjiden lugu oli 287,073 ristitud kaiken municipalitetan tertitorijal (542,25 km²). Lidnfartaliden pind om 42,29 nellikkilometrad.

Kaik viž universitetad vai niiden palakundad oma avaitud lidnas da sen municipalitetas: privatine Sunčunhän, Korejan policijan nacionaline universitet, Hoseo (nell' kampusad, Asanan kampus om päine), privatine Sonmun (kaks' kampusad: Asan- i Čhonan-lidnoiden municipalitetoiš), Seonam, mugažo Asanan informacijan da tehnologijan politehnine kolledž (toine nimi anglijan kelel om Korea Polytechnic IV Asan).

Galerei

Lidnan tobmuden sauvuz (eloku 2016)
Li Sunsin-admiralan «Memorialine pühäpert'» (현충사 Hijončhonsa), nägu vn 2009 sulakus
Sunčunhän-universitetan päivlaskmaine tulend (semendku 2010)
Nacionaline specialižen opendusen institut invalidoiden täht (kezaku 2020)
Asan-päraudtestancii, kezaku 2020