Blagojevgrad

Blagojevgrad
Благоевград
	Lidnanznam;
Valdkund	Bolgarii
Eläjiden lugu (2024)	62,670 ristitud
Pind	28,91 km²
Telefonkod	+359-(0)73
Aigvö	tal'vel UTC+2,; kezal UTC+3

Blagojevgrad (bolg.: Благоевград [bɫɐˈɡɔɛvˌɡrat]) om lidn Bolgarijan suvipäivlaskmas. Se om Blagojevgradan agjan administrativižeks keskuseks da palaks.

Istorii

Frakijalaižed elänzoittiba tahondad mineralveden purtkidenke. Amuižed grekalaižed nimitihe lidnad Skaptopar:aks (bolg.: Скаптопара). Osmanan imperijan aigan lidn oli tetab Gorna Džumai-nimitusenke (Горна Джумая). Nimitihe nügüdläižikš vl 1950 Bolgarijan kompartijan Dimitr Blagojev-alusenpanijan da lideran kanzannimen mödhe.

Blagojevgrad šingotase tabakfabrikal i oludentegimel.

Geografijan andmused

Lidnan sijaduz agjas i valdkundas vn 2004 kartal

Lidn sijadase agjan lodehen pohjoižröunanno, mägitahondas, 410 m ü.m.t. keskmäižel korktusel. Levitase Strum-jogen alangištos (bolg.: Струма), sen hura Bistric-ližajogi (Бистрица 41 km pitte) läbitab lidnad.

Matkad Sofii-pälidnhasai om sada kilometrad pohjoižhe. Pohjoižmakedonijan röun om koumekümnes kilometras.

Eläjad

Vn 2011 Bolgarijan rahvahanlugemižen mödhe lidnan eläjiden lugu oli 70 881 ristitud, vn 2021 — 62 534 ristitud. Kaik 69 610 eläjad oli lidnas vl 2015. Kaikiš suremb lidnan ristitišt oli 71 476 eläjad vl 1992.

Rahvahad (2011): bolgarijalaižed — 95,6 %, čiganalaižed — 2,7 %, toižed rahvahad — 1,3 %, rahvahuden ozutandata — 0,4 %.

Openduz

Lapsiden opendusen aluzkundad oma päivkodid, keskškolad.

Professionaližen opendusen aluzkundad oma Suvipäivlaskmaine universitet Neofit Ril'skijan nimed^[1] (alusenpanend 1983, 11,5 tuh. üläopenikoid ühesal fakul'tetal), privatine Amerikaine universitet Bolgarijas (vspäi 1991, 1200 üläopenikoid), turistine kolledž, üks'toštkümne profškolad i ühesa profgimnazijad.

Galerei

Lidnan tobmuden sauvuz (2011)
Jumalanmaman Tulendan Pühäpertihe jumalanpert' (ortodoksine hristanuskond), vn 2007 nägu
Amerikaine universitet Bolgarijas i Suvipäivlaskmaine universitet Neofit Ril'skijan nimed (oiktusen da istorijan fakul'tet, sügüz'ku 2011)
Dramteatr Nikola Vapcarov-runokirjutajan nimed (2025)