Gent

Vikipedii
Gent (vep. i alam.)
Gand (franc.)
 Lidnanznam
Wapen van Gent.svg
 Flag
Vlag van Gent.svg
Valdkund Bel'gii
Eläjiden lugu (2021) 263,703 ristitud
Pind 156,18 km²
Gent (vep. i alam.) Gand (franc.)
Pämez' Matias De Klerk
(2019—,
Mathias De Clercq)
Telefonkod +32-(0)9
Aigvö tal'vel UTC+1,
kezal UTC+2


Lidnan kart rajonidenke

Gent (mugažo alaman kelel; franc.: Gand [ɡɑ̃]) om Bel'gijan lidn valdkundan lodehes, Flandrii-regionas. Se om Päivnouzmaine Flandrii-agjan pälidn.

Oficialine kel' om alaman kel'. Lidn om järedaks openduzkeskuseks, universitet da nell' üläškolad oma avaitud.

Istorii[redaktiruida | redaktiruida purde]

Arheologijan andmused ozutadas, miše ristituiden žilod oliba Gentan nügüdläižes seižundsijas oliba kiviaigan jo. 7. voz'sadal Gent oli järedan torguindkeskusen. Vl 1000 Gent oli Evropan kahtenz' lidn eläjiden lugun mödhe (jäl'ges Parižad).

19. voz'sadal tekstiline Gent kändihe tegimišton jalos järedaks keskuseks. Lidn šingotase metallurgijan tegimel, avtotegimel, himižel i kivivoinhimižel tegimištol, cement- i betonedheotandoil, mugažo turizmal. Järedad tegimištjarmankad oleskeldas lidnas. Bel'gijan kahtenz' surtte Flanders Expo-ozutelendkompleks sijadase täs.

Geografijan andmused[redaktiruida | redaktiruida purde]

Gent sijadase Šel'd-jogen randal.

Lidn jagase 14 nimitadud rajonaks.

Eläjad[redaktiruida | redaktiruida purde]

Vll 1970−1977 mülütihe 13 kommunad lidnha, i sen eläjiden lugu ližadui 148 860-luguspäi 248 657 ristithusai. Vl 2000 elihe 224 180 ristitud. Kaikiš suremb lidnan ristitišt om nügüd'. Vl 2008 municipalitetan ristitišt oli 594 582 eläjad (nellänz' surtte valdkundas), 1 205 km² pindal.

Katoližen jumalankodikundan kaks' päjumalanpertid da jumalanpert' oma olmas.

Transport[redaktiruida | redaktiruida purde]

Jogiport da koumanz' surtte meriport valdkundas sijadasoiš lidnan pohjoižes. Merilaivad ujudas kanaladme Ternözenaspäi (Alamad). Om mugažo erazvuiččid tegimid portan industrialižes zonas.

Avtobusad, tramvaid da trolleibusad oma kundaližeks transportaks lidnan südäimes. Kiruhraudted da avtoted ühtenzoittas Gentad Bel'gijan, Francijan i Alamaiden lähižidenke järedoidenke lidnoidenke.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]