Gerakl

Gerakl (amuižgrek.: Ἡρακλῆς Herakles) vai Gerkules (latin.: Herculēs) — amuižgrekan mifologijas om vägimez', Zevs-jumalan i Alkmenan (Amfitrion-vägimehen akan) poig. Sündundan aigan oli nimitadud Alkidaks (amuižgrek.: Ἀλκείδης Alkeides). Andmused hänen polhe oma jo «Iliadas» (II 658 da tž.).

Kesked äiluguižid mifid Geraklan polhe kaikiš tetabamb om cikl 12 vägitegos, kudambad Gerakl tegi, konz oli Evrisfein (Mikenoiden carin) radnikoičendal.

Geraklan kul't oli lujas populärine Amuižes Grekanmas, grekan kolonistoiden kal't se leviganzi aigašti amuižes Italijas, kus Gerakl oli tetab Gerkules-nimenke. Taivhan Pohjoižes mapoliškos sijadase Gerkules-tähthišt.

Geraklan 12 vägitegod

Nemejan levan upehtoitand
Lernan gidran rikond
Stimfalan linduiden kačustelend
Kerinejan kapospedran sabutelend
Erimanfan mecsigas vägestuz i kentavroidenke tora
Avgijan hebonläviden puhtastand
Kritan härgas vägestuz
Diomedan heboiden vargastand, vägestuz Diomed-cariš (kudamb loi verazmaižid ičeze heboile sömhä)
Ippolitan (amazonkoiden car'naižen) vön vargastand
Gerionan (koumepäižen mez'kulun) lehmiden vargastand
Kuldaižiden jablokoiden Gesperidoiden saduspäi vargastand
Cerber-koiras (Aidan varjoičijas) vägestuz

Homaičendad

Gerakl Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.