Glinde

**Glinde**
	Lidnanznam;
Valdkund	Saksanma
Eläjiden lugu (2024)	18,681 ristitud
Pind	11,21 km²
Pämez'	Patrik Kloze; (sulaku 2026—,; Patrick Klose)
Telefonkod	+49−40
Aigvö	tal'vel UTC+1,; kezal UTC+2

Glinde (mugažo saksan kelel, virktas [ˈɡlɪndə], sijaline alasaksan pagin: Glinn) om Saksanman lidn valdkundan pohjoižes, sen Šlezvig-Gol'štein-federacijanman suviröunanno. Gamburgan päivnouzmaine ezilidn. Mülüb federacijanman Štormarn-rajonha.

Istorii

Eländpunktan nimituz mainitase 13. voz'sadaspäi, konz Glinde-külä oli lahjoitud jumalankodile. Külä šingotihe vezimellicoil i ümbriradmižen fabrikoil niiden alusel 17. voz'sadaspäi. Vl 1937 Krupp AG-kompanii sauvoi lendimiden pol'vikahiden valoiden tegint küläkundas. Žilo sai lidnan statusad vn 1979 24. päiväl kezakud ičeze 750-voččen jubilejan oiktastuseks.

Glinde šingotase mašiništonsauvomižen edheotandoil, sidä kesken tetabiden kompanijoiden: Alfa Laval, Honeywell Bremsbelag GmbH.

Geografijan andmused

Lidn sijadase läz Gamburgan päivnouzmašt röunad, Ostštainbek-küläkundan taga, 24 m korktusel valdmeren pindan päl.

Vedase seičemeks kilometraks megapolisan röunaspäi suvespäi pohjoižhe. Tegimištzon levitase lidnan suvipäivnouzmas.

Tobmuz

Lidnan nevondkund valičese kerdan vides vodes. Jal'gmäižed valičendad sihe oliba vn 2023 semendkus. Ezimez' om Klaus Peters (Claus Peters) vn 2023 keskespäi.

Lidnankundan tobmuden pämez' om burgomistr (saks.: Bürgermeister). Edeline burgomistr om Rainhard Cug (Rainhard Zug, 2009 — keväz'ku 2026).

Eläjad

Vl 1933 se oli pen' žilo 544 eläjanke. Toižen mail'man sodan jäl'ghe žilon ristitišt ližadui eläjil muretud Gamburgaspäi i pagenikoil Päivnouzmažes Germanijaspäi. Vl 2013 lidnankundan eläjiden lugu oli 17 922 ristitud, vl 2020 — 18 380 ristitud. Kaikiš suremb lidnankundan ristitišt om nügüd'.

Religijan mödhe (2020): protestantad — 23,7 %, katolikad — 8,5 %, toižed uskojad i religijatomad — 67,8 %.