Vauged kuz'
| Vauged kuz' | ||||||||||||||
|---|---|---|---|---|---|---|---|---|---|---|---|---|---|---|
 Vauged kuz' | ||||||||||||||
| Tedoklassifikacii | ||||||||||||||
|
||||||||||||||
| Latinankel'ne nimi | ||||||||||||||
| Picea glauca (Moench) Voss, 1907 | ||||||||||||||
| Areal | ||||||||||||||
 | ||||||||||||||
|
Vauged kuz' vai Hahksinine kuz' (latin.: Picea glauca) om Kuz'-heimon puiden erik.
Leviganduz
[vajehta | vajehtada lähtetekst]Pohjoižamerikan meczonan levitadud erik. Kazvab Kanadadme, AÜV:oiden pohjoižen i pohjoižpäivnouzman štatoiš, Aläskas.
Londuses kazvab hüvin meriklimatas i kontinentaližes klimatas, seižui kovad tal'ved, kuivaigad i tulleid vaste. Ei tarbhaiče sättujid mahusid, voib kazda vägetomil mahusil i letemail. Pölün- i gazanvastaine enamba mi järgeline kuz'. Londuseline pu andab tomud joga kevädel nedalin hätkte kahesavoččes igäspäi, no om sortuid tomuta.
Kazvatadas mail'madme dekorativižeks kazmuseks üksin i sarikoin, enamba mi kümne sortud. Om penid honuzformid (bonsai), ned oma perspektivižed kivimägeihuziden täht.
Ümbrikirjutand
[vajehta | vajehtada lähtetekst]Igähižvihand kavag'pu, täuz'kaznu 15..20 m kortte, 40 metrhasai harvoin. Tüven sanktuz oleleb ühthe metrhasai. Kor' om hoik kärpiškoikaz. Neglanvuiččiden lehtesiden piduz om 12..20 mm, neglan profil' om romban forman. Kavagen muju om sinižvihand ülähäs i sinižvauged alahakspäi.
Noren pun kron om kaid konine, kändase cilindrižeks vanhil puil. Käbud kazdas 3..7 sm pitte i 2,5 santimetrhasai sankte, vihandad vai rusttan polhe, küps käbu om koričman mujun.
Alaerikod
[vajehta | vajehtada lähtetekst]- Picea glauca var. glauca
- Picea glauca var. densata
- Picea glauca var. albertiana
- Picea glauca var. porsildii
Homaičendad
[vajehta | vajehtada lähtetekst]
 |
Vauged kuz' Vikiaitas |