Harag

Valdkund:	Živatad
Tip:	Sel'gjäntkeižed (Chordata)
Klass:	Lindud (Aves)
Heimkund:	Pasklindunvuiččed (Passeriformes)
Sugukund:	Kroikoinvuiččed (Corvidae)
Heim:	Harag (heim) (Pica)
Erik:	Harag

Latinankel'ne nimi

Pica pica (Linnaeus, 1758)

Areal

Haragan 11 alaerikon leviganduz:

Pica p. pica,
P. p. fennorum,
P. p. asirensis,
P. p. bactriana,
P. p. bottanensis,
P. p. hemileucoptera,
P. p. kamtschatica,
P. p. leucoptera,
P. p. mauritanica,
P. p. melanotos,

P. p. serica.

Sistematik
Vikierikoiš

Kuvad
Vikiaitas

ITIS 179720

NCBI 34924

Haragan Pica pica pica-alaerikon munad, Francii, 1923

Harag (latin.: Pica pica), mugažo Järgeline harag vai Evrazijalaine harag, om levitadud evrazijalaine lind. Mülütadas Kroikoinvuiččed-sugukundha, sen Harag-heimon üks' koumes erikospäi.

Ümbrikirjutand[redaktiruida | redaktiruida purde]

Eläb Evrazijas i Afrikan pohjoižes, venon i subtropižen voiš, om kezalinduks Skandinavijas. Eländtahod oma mecan sarikod, puištod, sadud, sijadasoiš läz ristitud pertištod paksus. Haragad ei navedigoi tihedad mecad.

Ižačun i emäčun irdpol'ne nägu om ühtejitte, no ižačun keskmäine veduz (233 g) om enamba mi emäčun (203 grammad). Haragan hibjan piduz oleleb 51 sm händanke, händ om pidemb mi hibj, suugiden maihutuzkeskust sase 90 santimetrhasai. Höunhišt om mustvauged. Lendand om lainhenvuitte planirui. Kačatadas besedoites toine toiženke vai ku homaičiba grazijad varust. Pajatadas hilläšti vedatamha partnöran tarkust.

Äikerdoičend[redaktiruida | redaktiruida purde]

Elädas paroil. Valitas partnörad elon ezmäižel vodel, kandustaškatas kahtendel vodel, pezoiteldas koumandel vodel. Tehtas severz'-se šurunvuiččid pezoid kuiviš raguzišpäi, lapttulendanke, no munind om vaiše ühtes pezas. Emäč munib 5..8 munad sulakus, sen jäl'ghe haudub niid 17..18 päivest.