Haraganhäč

Vikipedii
Mine navigeerimisribale Mine otsikasti
Haraganhäč
Haraganhäč
Änikoičii haraganhäč kezakus
Tedoklassifikacii
Valdkund: Kazmused
Palakund: Änikkazmused (Magnoliophyta)
Klass: Kaksidülehtesižed (Magnoliopsida)
Kund: Astränikoižed (Asterales)
Sugukund: Puzuänikoižed (Asteraceae)
Heim: Haraganhäč (heim) (Leucanthemum)
Erik: Haraganhäč
Latinankel'ne nimi
Leucanthemum vulgare Lam., 1779

Wikispecies-logo.svg
Sistematik
Vikierikoiš

Commons-logo.svg
Kuvad
Vikiaitas

ITIS 37903
NCBI 99072

Haraganhäč (latin.: Leucanthemum vulgare) om äivozne heinäsine kazmuz. Mülüb Puzuänikoižed-sugukundan Haraganhäč-heimho, sen tipine erik.

Leviganduz[redaktiruida | redaktiruida purde]

Kazmuz om levitadud Evropas i Azijan venos vönes. Om introduciruidud erikoks Pohjoižamerikas, Avstralijas i Udes Zelandijas.

Navedib kazda nituil, mecpallištoil, penzhištos, okaidud mail. Sädab žomid, om rujoheinäks pöudoil i linmail.

Ümbrikirjutand[redaktiruida | redaktiruida purde]

Jur' om lühüd. Seikh om seižui, tahkoikaz vähän, 15..60 sm pitte. Lehtesed čereduidas, ülälehtesed oma penemb mi alahaižed.

Änikuz om kehker puzunvuitte 25..60 mm diametral, kazvab üksin seikhen i sarakoiden ülähäs. Kelen kartte röunänikod oma vauktad plodutomad, pakuižed torvikahad änikoid keskuzpalas oma kahten sugun i anttas semnikahid ploduid röunaspäi.

Kävutand[redaktiruida | redaktiruida purde]

Haragaižen pojav, no haraganhäč om toižen heimon kazmuz, eile zellid siš. Kazvatadas dekorativižeks kazmuseks, om ribuikahid-ki formid. Kävutadas äniklehtesid arboindan täht.

Kazmuz om sorav i läz ližatoi sötkeks živatoile.

Kacu mugažo[redaktiruida | redaktiruida purde]

Homaičendad[redaktiruida | redaktiruida purde]