Katerini

Vikipedii
Jump to navigation Jump to search
Katerini
Κατερίνη
Valdkund Grekanma
Eläjiden lugu (2011) 55 997 ristitud
Pind 112,9 km²
Katerini Κατερίνη
Pämez' Savvas Hionidis
(Σάββας Χιονίδης,
viluku 2 007—)
Telefonkod +30-23 510
Aigvö tal'vel UTC+2 
kezal UTC+3


Lidnan puišt.

Katerini (grek.: Κατερίνη [kate'ɾini]) om lidn Grekanman pohjoižes, Keskuzmakedonii-agjas (periferijas). Se om agjan Pierii-ühtnikan (noman edel 2011 vot) administrativine keskuz da sen ristitišton pol'.

Istorii[redaktiruida | redaktiruida purde]

Eländpunktan igä om nor' Grekanman märas, se om tetab 13. voz'sadaspäi kuti Hatera (amuižgrek.: Ἅτηρα), Ottomanan imperijasKateri Hatera.

Manahad paniba pühäpertin alust ph. Jekaterinan (Aikaterini grekan kelel) muštho 19. voz'sadan augotišes vai sen aigemba. Necen pühäpertin mödhe nimitihe lidnad nügüd'aigaižikš.

Katerini om maižanduzrajonan keskuz, kazvatadas kivi-fruktoid, višnid, pähkmid da tabakad ümbrištos. Turizm om lidnan ekonomikan znamasine sarak: Olimp-mägi, Elatohori-mägisuks'kurort (grek.: Ελατοχώρι), amuine Dion-lidn (5. voz'sada EME) oma ezilidnas.

Geografijan andmused[redaktiruida | redaktiruida purde]

Katerini sijadase 6 kilometras päivlaskmha Egeižen meren lodehližen Termaikos-lahten randaspäi tazosijal, 14 m keskmäižel korktusel valdmeren pindan päl, «SalonikidAfinad»-raudtel. Lähembaižed järedad lidnad oma Salonikid 68 km pohjoižpäivnouzmha avtotedme i Laris 80 km suvhe avtotedme. Olimp-mägen paute levineb 20 kilometras suvipäivlaskmha lidnan keskusespäi.

Eläjad[redaktiruida | redaktiruida purde]

Vl 2011 lidnan eläjiden lugu oli 55 997 ristitud, se oli kaikiš suremb ristitišt.

Om äi ortodoksižen hristanuskondan pühäpertid lidnas.

Irdkosketused[redaktiruida | redaktiruida purde]