Salonikid

Salonikid
Θεσσαλονίκη
Lidnanznam;	Flag;
Valdkund	Grekanma
Eläjiden lugu (2021)	319,045 ristitud
Pind	19,31 km²
Pämez'	Stelios Angeludis; (viluku 2024—,; Στέλιος Αγγελούδης)
Telefonkod	+30−231
Aigvö	tal'vel UTC+2,; kezal UTC+3

Salonikid (grek.: Θεσσαλονίκη [θesaloˈnici] Tesaloniki, bolg.: Солун) om Grekanman lidn da meriport valdkundan pohjoižes. Se om valdkundan kahtenz' lidn eläjiden lugun mödhe, om Keskuzmakedonii-agjan (periferijan) administrativižeks keskuseks da palaks.

Istorii

Eländpunktan aluz om pandud Amuižen Makedonijan Kassandr-carin käskön mödhe vl 315 EME. Carin Fessalonika-ak oli Aleksandr Makedonijalaižen sizaren. Car' ühtenzoiti 26 žilod i nimiti lidnad ičeze akan nimen mödhe.

Sured Salonikid šingotasoiš ižandusen äisarakoižeks keskuseks. Kivivoihimižel, metallurgijan, cementan, laivansauvomižen, elektrotehnižen, tekstil'sarakon, sömtegimišton edheotandad ratas lidnas. Järed meriport radab.

Geografijan andmused

Lidn sijadase agjan keskuzpalas, Egeižen meren Termaikos-merikaran randal, 0..250 m korktusil.

Klimat om Keskmeren, vai subtropine pol'kuiv, znamasine erind om lidnan rajonidme. Alemba andmused lidnan keskuzpalan täht oma kirjutadud. Voden keskmäine lämuz om +17,9 C°, kezakun-elokun +25,4..+28,0 C°, tal'vkun-uhokun +8,3..+10,1 C°. Ekstremumad oma −9,3 C° (viluku) i +40,8 C° (kezaku-eloku). Kezaaigan minimum om +14,3 C° (kezaku), tal'vaigan maksimum om +24,7 C° (tal'vku). Ei voi panda halad sulakus-kül'mkus (kül'mkun minimum om +1,6 C°). Paneb sadegid 399 mm vodes, läz tazomäras kuidme, vähemba heinkus-elokus (21..22 mm kus), 27..43 mm toižiš kuiš.

Tobmuz

Lidnan tobmuden pämez' om dimarh (grek.: Δήμαρχος Θεσσαλονίκης). Kaik rahvaz valičeb dimarhad radnikusele videks vodeks, ühten toižen strokun voimuz om olmas. Edeližed lidnan pämehed oma Konstantinos Zervas (Κωνσταντίνος Ζέρβας, sügüz'ku 2019 — tal'vku 2023), Jannis Butaris (Γιάννης Μπουτάρης, viluku 2011 — eloku 2019).

Eläjad

Vn 2001 Grekanman rahvahanlugemižen mödhe lidnan eläjiden lugu oli 363 987 ristitud, vn 2011 — 325 182 ristitud, vn 2021 — 319 045 ristitud. Kaik läz 1,1 mln ristituid om ezilidnoidenke 1285 km² pindal (vn 2021 andmused), se ühthine ristitišt om kaikiš suremb kaikes aigas.