Köl'n

Vikipedii
Jump to navigation Jump to search
Köl'n
Köln
 Lidnanznam
DEU Koeln COA.svg
 Flag
Flagge Köln.svg
Valdkund Saksanma
Eläjiden lugu (2016) 1 075 935 ristitud
Pind 405,02 km²
Köl'n Köln
Pämez' Genrietta Reker
(kül'mku 2 015—)
Telefonkod +49-22
Aigvö tal'vel UTC+1 
kezal UTC+2


Lidnan ümbrikod da rajonad (2010).

Köl'n (saks.: Köln [kœln], latin.: Colonia) om Saksanman lidn valdkundan päivlaskmas i Pohjoine Rein da Vestfalii-federacijanman suves. Se om nellänz' surtte lidn valdkundas, Rurštadtan kaikiš suremb lidn.

Istorii[redaktiruida | redaktiruida purde]

Nügüdläižen eländpunktan aluz om pandud vl 38 EME kuti Ubiorum-lidnuz (latin.: Oppidum Ubiorum) rimalaižen Mark Vipsanii Agrippa-polknikan käskön mödhe. Vl 50 meiden erad anttihe Rimalaižen imperijan lidnan statusad (latin.: Colonia Claudia Ara Agrippinensium) da riman oiktust. 19. voz'sadal Köl'n eli läbi tegimišton sauvondas. Toižen mail'man sodan aigan lidnan ühesa kümnendest oli pandud mantazole, vanhan lidnan äjad sauvused oma udessündutadud täuzin.

Lufthansan päfater om saudud lidnas. Järedad tegimed ratas nenil kompanijoil: Ford, Toyota, Bayer.

Geografijan andmused[redaktiruida | redaktiruida purde]

Lidn sijadase Rein-jogen alajoksmusen randoil, 38..118 m korktusil, 52 m ü.m.t. keskmäižel korktusel. Matkad Berlinhasai om 475 km päivnouzmha-pohjoižpäivnouzmha orhal, 548 km raudtel vai 572 km avtotedme (Gannoveran kal't). Enzne Bonn-pälidn om Köl'nan suvine ezilidn.

Köl'n jagase 9 ümbrikho da 86 lidnrajonha.

Eläjad[redaktiruida | redaktiruida purde]

Vn 2011 EÜ:n rahvahanlugemižen mödhe eläjiden lugu oli 1 017 155 ristitud, sidä kesken saksalaižed — 84%. Kaikiš suremb lidnan ristitišt om nügüd', mugažo oli 1 013 771 eläjad vl 1975. Läz 3 mln ristituid elädas Köl'nan lidnaglomeracijas, 10 mln om Rurštadtas.

Irdkosketused[redaktiruida | redaktiruida purde]