Kondjansamal
| Kondjansamal | ||||||||||||||
|---|---|---|---|---|---|---|---|---|---|---|---|---|---|---|
 Kondjansamal | ||||||||||||||
| Tedoklassifikacii | ||||||||||||||
|
||||||||||||||
| Latinankel'ne nimi | ||||||||||||||
| Polýtrichum commúne Hedw., 1801 | ||||||||||||||
|
Kondjansamal (latin.: Polytrichum commune) om samlon toižend, äivozne kazmuz Polytrichaceae-sugukundaspäi.
Leviganduz[vajehta | vajehtada lähte]
Se samal om levitadud Pohjoižen mapoliškon tahondoiš venon nepsan klimatanke, putub Meksikas, tün'valdmerižil saril (sidä kesken Udes Zelandijas) i Avstralijas. Voib vastata paksus Venäman meczonas (pohjoine i keskuzline palad) pölusiden nägul.
Kazvab mecan tahondoiš lujanke nepsudenke da luhtoidme. Kondjansamlon pölusenvuitte turbiž pid'oiteleb vet i veb territorijad sodundannoks.
Ümbrikirjutand[vajehta | vajehtada lähte]
Samlon lehtesed oma muzavihandad, vanhudes burad, 6..8 mm pitte, erasti 12 millimetrhasai. Seikh om buranke da rusttanke ližamujunke, 10..15 sm pitte, sättujiš arvoimižiš sase 50 santimetrhasai. Lugetas necidä samlod kaikiš pidembas mail'mas.
Kazmuz äikerdoičese vezoil, idäčuil i gametil (sugustajil). Naižsugun i mužiksugun äikerdoičendan organad kazdas erazvuiččil kazmuzil.
Kävutand[vajehta | vajehtada lähte]
Keratas i kuivatas, ottas kävutamižhe lämuzizoläcijaks struban parziden keskes.
Kondjansamal ei hapištu, sil bakterijanvastaine ičend om.
Alaerikod[vajehta | vajehtada lähte]
- Polytrichum commune var. commune
- Polytrichum commune var. jensenii
- Polytrichum commune var. perigoniale
Homaičendad[vajehta | vajehtada lähte]
 |
Kondjansamal Vikiaitas |