Lepai

Vikipedii
Jump to navigation Jump to search
Lepai (Liepai)
Liepāja
 Lidnanznam
Coat of Arms of Liepāja.svg
 Flag
Flag of Liepāja.svg
Valdkund Latvii
Eläjiden lugu (2017) 76 513 ristitud
Pind 60,37 km²
Lepai (Liepai) Liepāja
Pämez' Janis Vilnitis
(kül'mku 2 018—)
Telefonkod +371-34
Aigvö tal'vel UTC+2 
kezal UTC+3


Lidnan Duman pert'.

Lepai vai Liepai (latv.: Liepāja [ˈliepaːja], ven.: Лиепая, saks.: Libau), vll 1520−1917 Libav, ende Liiv, om lidn Latvijan suvipäivlaskmas. Se om lidn tazovaldkundan alištusenke, koumanz' surtte eländpunkt valdkundas eläjiden lugun mödhe. Järed jädumatoi port om lidnas.

Istorii[redaktiruida | redaktiruida purde]

Kalanpüdajiden pen' Liiv-külä (latv.: Līva) mainitase ezmäižen kerdan vl 1253. Eländpunkt sai lidnan oiktusid vl 1625, mainitase nügüdläiženke nimenke vspäi 1649. Vl 1919 Lepai kändihe Latvijan pordaigaližen pälidnan kudeks kuks.

Tekstil'tegimišt da sömtegimišt (kalan ümbriradmine) oma Lepajan ižandusen päsarakoikš.

Geografijan andmused[redaktiruida | redaktiruida purde]

Lidn sijadase Baltijan meren randištol da Lepai-järven pohjoižrandoil. Kaikenaigaine meribriz puhub lidnas. Matkad Righasai om 195 km päivnouzmha orhal vai 216 km avtotedme. Lähembaižed lidnad oma päivnouzmpoles: Grobin' (11 km Lepain keskusespäi) i Durbe (26 km Lepain keskusespäi).

Torguindkanal (latv.: Tirdzniecības kanāls) ühtenzoitab järved merenke da jagab lidnad pohjoižpalaha (Uz' lidn, latv.: Jaunliepāja) da suvipalaha (Vanh lidn, latv.: Vecliepāja). Lidn mülüb statistižhe Kurzeme-regionha.

Eläjad[redaktiruida | redaktiruida purde]

Vl 1914 eläjiden lugu oli 94 tuhad ristituid. Kaikiš suremb ristitišt oli 114 950 eläjid vl 1991. Vn 2011 Latvijan rahvahanlugemižen mödhe eläjiden lugu oli 82 965 ristitud.

Rahvahad (vl 2017, 76 513 rist., enamba 1%): latvijalaižed — 55,7%, venänikad — 30,0%, ukrainalaižed — 4,8%, vaugedvenälaižed — 3,2%, litvalaižed — 3,0%, pol'šanmalaižed — 1,0%, toižed rahvahad — 2,3%.

Uldis Sesks radoi lidnan edeližen pämehen vll 1997−2018.

Transport[redaktiruida | redaktiruida purde]

Avtobusad, tramvaid, maršruttaksid da taksid oma kundaližtransportaks lidnas.

Rahvahidenkeskeine civiline Lepai-lendimport (LPX, latv.: Starptautiskā lidosta "Liepāja", 9 tuh. passažiroid vl 2018) sijadase 5 km päivnouzmha lidnan keskusespäi, tehtas reisid Righasai da čarterreisid Pohjoižen Evropan pälidnoihe.

Irdkosketused[redaktiruida | redaktiruida purde]